林家謙《Summer Blues》演唱會昨晚原本為第七尾場，不過星期四晚的場次因為八號風球延期至明晚，這晚就變成了尾二場，這晚嘉賓除了繼續有Serrini和岑寧兒外，還有Tyson Yoshi，以及台灣歌王林宥嘉隔空現身，家謙這晚更帶埋「林家犬」Waffle同大家見面，成為在紅館舞台放狗第一人！
這場的第一位特別嘉賓是「林家犬」Waffle，家謙唱《Doodoodoo》時突然牽愛犬Waffle現身，帶牠繞場同觀眾打招呼，成為紅館放狗第一人！雖然面對萬人觀眾，但Waffle都表現淡定，非常乖巧，冧爆全場觀眾！
第二位驚喜嘉賓有家謙好友Tyson Yoshi，早前Tyson搵過家謙做個唱嘉賓，今次家謙開騷，Tyson又點可以唔支持，同台的Serrini原本叫他們說說彼此認識經過，不過兩位男生都怕怕醜醜，於是Serrini突然在台上爆料家謙自稱覺得Tyson好鍾意自己，令家謙大叫：「咩料呀？」Tyson即時對家謙說：「你唔好咁自以為是啦！」之後Serrini又叫Tyson代自己上演前幾晚台上追逐家謙的戲碼，更「腐女」上身，吩咐Tyson咀啖家謙，不過兩位男生都不肯就範，場面爆笑。
這晚亮點還有邀請到台灣歌王林宥嘉隔空現身，不是「又加場」，而是名副其實的「宥嘉場」！這晚宥嘉盡量用廣東話同家謙交流，他說：「我想同你講你真係唱得好，好精彩嘅演出，我想講我好耐無講廣東話，所以退步咗，但係我好開心聽到你哋嘅歡呼聲，好開心你邀請我做你嘉賓。」家謙曾經幫宥嘉作過《壞與更壞》、《飛》等歌曲，其中《壞與更壞》更是宥嘉以廣東話所唱，這晚兩人都有在紅館現場連線合唱這兩首歌，觀眾都報以熱烈歡呼拍掌。
來源：大會提供
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
