拉麵是港人至愛，這款來自日本的奇趣設計「叉匙」，專為食拉麵而設！外型獨特，既是叉又是匙羹，可以同時挑起麵條和舀湯，在家輕鬆細味一啖麵、一啖湯的傳統食法，仲可以解放另一隻手，這款創意產品在香港都買得到！
這款外型獨特的餐具，對於香港人或許較陌生，但相信日本愛知縣名古屋的居民，應該一眼就可以識別其用途。
這是一間日本名古屋拉麵連鎖店「壽賀喜屋（Sugakiya）」 獨有的不鏽鋼「拉麵叉匙」，由設計師 Masami Takahashi 發明，他有感大家在吃拉麵時都會同時飲用湯底，於是將叉匙二合一，省卻吃拉麵時需筷子與匙羹共用，更大大減少一次性筷子造成的浪費。
單手就可以食麵加飲湯，非常方便不懂拿筷子的外國人！
由於設計奇趣又實用，更被紐約現代藝術博物館（MoMA）賞識負責生產和銷售，成為 MoMA Design Store 其中一款熱銷商品！
位於 K11 Musea 的分店都買得到！Ramen Spork $148
如果想更原汁原味，拉麵控下次返「鄉下」，不妨去拉麵店潮聖一下！
根據拉麵店台灣官方 Facebook Page，原來叉匙曾經過改良，新版變得迷你、使用更簡單方便，小朋友亦容易上手。
雖然專為食拉麵而設，但亦可發揮創意，用來吃牛丼、蛋糕、雪糕及刨冰等，當作環保餐具隨身攜帶，美觀又時尚！
text/zuki
pic/zuki、MoMA Design Stor、Tabelog、壽賀喜屋日本拉麵連鎖店 Facebook Page
============
同場加映：
【蝸居睇樓團】偏財屋易中六合彩？ 火燒天門影響屋主健康？屋企擺公仔招小人？
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
