作為民間食神嘅大家，享受生活之餘梗係要為舌尖謀福利！啱啱喺9月6日至8日期間，香港會議展覽中心舉辦嘅香港餐飲展X亞洲高端食品展，就雲集咗香港飲食業界各路精英，喺3日展覽裏面舉辦咗一系列專業比賽同研討會，同一眾嘉賓探討，提升業界水平。市民就可以透過今次活動，認識到香港今屆各項比賽得奬人馬，再mark底由本港業界專業推舉嘅Top 10餐廳，作為嚟緊大節日嘅飯聚首選喇！
屬於港人的自選Top 10
香港人有自己一套獨特口味，所以由香港業界自選嘅Top 10餐廳先至對味！由亞洲餐飲廚藝協會舉辦嘅The Best of the Best MASTERCHEF Recommendation Restaurant今年有193間餐廳參加，每間都係本地頂尖食府，再由業界內專業人士推選，質素當然無容置疑！今年獲獎的Top10餐廳包括有位於半島酒店內嘅法國餐廳吉地士Gaddi’s、ICC法國菜Odyséss、港灣壹號、田舍家、Sabatini、四季菊日本餐廳、嘉麟樓、大班樓、杜卡斯餐廳摩珀斯及譽瓏軒餐廳，中西法日意各有捧場客，嚟緊咁多節慶飯聚，梗係要mark定呢10間慢慢試啦！
半島酒店嘅吉地士Gaddi’s唔單只係今年嘅Top10之選，更係2022年米芝蓮一星評級及福布斯五星餐廳推介，可見實力非凡，鍾意Fine dining 嘅朋友就最啱。
認識冠軍高手 期待品味之旅
今次喺3日嘅展覽中，大會更舉行咗多場專業比賽，咖啡迷最關注嘅香港咖啡拉花大賽及香港咖啡調酒大賽，參賽者連續3日過關斬將，以角逐全港最佳咖啡師頭銜，優勝者更會代表香港參加世界大賽；而另一港人最期待嘅比賽，必選Italian Cocktail Challenge調酒師挑戰賽！一班調酒師以意大利材料及器皿，即場展現雞尾酒製作工藝，鍾意同三五知己去Bar嘆返杯chill一下的話，記住以下3個名字，一試佢哋嘅獨特創新嘅特調口味喇！
Italian Cocktail Challenge調酒師挑戰賽三位得奬者—(左)季軍：香港足球會 Ng Kai Pong, Patrick、(中)冠軍：香港賽馬會Kenneth Tsang、(右)亞軍：Carlyle & Co. Leung Chin Ching, Rayven。
連續舉行3日嘅香港咖啡拉花大賽及香港咖啡調酒大賽完滿結束，得奬者將會代表香港參加國際賽事，與來自世界各地高手較勁。
今年首創嘅賞酒嘗味饌選，由專業評審選出最佳餐飲配搭，考考廚師及侍酒師實力！想享受美酒配佳餚，就要認住佢哋喇！
(圖)年度最佳創意醇饌：富臨飯店
年度最佳經典醇饌：Heimat By Peter Find
酒評人至愛醇饌：AnOther Place
藝人至愛醇饌：CENSU
香港清酒小姐至愛醇饌：ANDŌ
匯聚全球餐飲焦點打造更高質餐飲業
大會除咗表掦餐飲業內精英，亦帶來300多個嚟自丹麥、意大利、韓國、英國、美國等地的餐飲品牌，與本港酒店、餐廳以及酒吧等業內人士互動交流，引入更多優質產品；同場另設亞洲天然及有機博覽（NOA）及亞洲零售論壇暨博覽會（RACE）亦為商戶開啟餐飲、零售、天然及香水不同範疇商機，締造雙贏局面！咁多精彩比賽及參展商，飲食業界朋友記得mark實2023年9月5日至7日，一齊嚟參與呢場盛事喇！
多個來自不同國家代表，將各地優質產品帶到香港，令業界邁向更多元化。
Source: 香港餐飲展X亞洲高端食品展
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
