慳裝修費?新樓設施又新又靚?冇生育打算? 網民分析:點解年輕人只買新樓唔買舊樓 ?

文: U Magazine
2022.09.23

有人買樓會因單位通常較大較實用而買舊樓,亦有人會因為新樓裝修靚、設施華麗新穎等原因而選擇買新樓,而最近就有網民喺連登討論區上發文,問近代嘅年輕人買樓係咪都只會選擇「買新唔買舊」,就引來一眾網民熱烈討論,齊齊分析年輕人只買新樓而唔買舊樓當中嘅原因。

買新樓慳返好多裝修錢?唔生小朋友唔使住咁大?
樓主發文表示留意到樓齡較大嘅舊私人樓,樓價有不斷下跌嘅現象,而舊私樓喺網上亦被網民紛紛置予劣評,所以眼見就算新樓比起舊樓較細及較貴,但亦有受一眾年輕人歡迎嘅趨勢,所以就問一眾網民近代嘅年輕人喺買樓嘅選擇上係咪只會買新樓。有網民就認為時下年輕人偏向選擇買新樓,係因為買新樓可以慳一筆裝修費之餘,又有更大更靚嘅會所設施:「會所威威,唔洗(使)去staycation,唔洗(使)大裝修,首期考慮+裝修煩,租都租新啦」、「新樓整下(吓)牆,訂埋傢俬就住得,都係洗(使)10-20萬左右,你舊樓價又差唔多,裝修又未必岩,咁搞一搞要洗(使)成50-60萬,同埋會所又大啲靚啲」、「新樓唔駛(使)俾佣金,新樓基本裝修連電器都已經值多十幾廿萬,舊樓呢度起碼要預多四五十萬現金找數,仲未計公家野(嘢)嘅維修呢…」

亦有網民分析指因近代年輕人多數冇生小朋友嘅打算,所以舊樓就算單位面積較大較實用亦不是考慮因素之一:「依家新一代都傾向小家庭,兩口子,唔生小朋友,300至400呎其實好多都已經滿足」、「一定係新樓,10年樓齡頂晒龍(籠),而家後生仔唔使住得大,因為根本大部份都唔諗住生。裝修外型要夠氣派,有個會所見得下人」、「真係大把後生寧願唔生,咁就可以對自己好啲,無小朋友細啲唔緊要,最緊要新」、「後生仲會買舊樓(30年樓齡以上),好大因素都係有仔女/同父母住,如果2(兩)公婆又有d(啲)錢都會住新/半新樓啦,市場成交都好明顯,舊到殘既(嘅)樓就跌到xx,大型半新樓(Yoho/瓏門/將南/匡(康)城/奧運九龍站)仲守到,新樓就更加唔駛(使)講」

有網民認為買新樓可節省數十萬的裝修費用之餘,新樓設施亦更冠冕堂皇。

亦有網民指因現時的年輕人大多沒有生育的計劃,故可接受面積一般比舊樓細的新樓單位。

舊樓多失修問題?舊樓新樓價錢其實差唔多?
亦有網民指出買舊樓會有眾多麻煩以及壞處而令年輕人卻步:「二手樓太多古惑野,樓上漏水唔講,間屋出過事又話唔係凶宅,仲有同個業主講少少價好似要攞佢命咁,同你買樓好似要求你賣咁,咁xx使鬼同你買咩,起碼一手樓明碼實價,食溢價都唔x益啲濕x業主啦」、「舊樓買完就要煩裝修,舊業主聲稱全新裝完無耐都要諗下(吓),仲有小型/大型樓宇維修,另外年年有強制驗樓計劃,抽中自己果(嗰)幢又要搞多樣,價錢方面都係比新樓折讓左(咗)2-3成only,比(畀)幾百萬認真要諗下(吓)係咪值得比(畀)咁多」,亦有網民認為現時舊樓與新樓嘅樓價相差不太遠,所以寧願買新樓:「二手開個價仲高過新樓,又要比(畀)業主&AA狗(意指地產經紀)呃呃哄哄,買新樓好過」、「而家啲舊樓仲係同新樓差唔多價,廢老好唔好意思用新樓價叫人買佢層霉過公屋既(嘅)所謂私樓呀」

不過亦有網民指在同一價錢下新樓比起舊樓確實太細,就算供兩人作居住亦不足夠:「200幾呎新樓都要600萬,實際就係擺套音響都冇位擺,或者擺個魚缸櫃都冇位,600萬喎想要少少位都冇,真係住得人?」、「我身邊幾對夫婦都揀左(咗)25~30年舊樓,個個都話300呎新樓扣埋露台得2百幾呎住唔到人,其實好多2x年樓保養得好都唔太殘,同埋都有會所果(嗰)啲」、「依家租緊新樓,遲下買黎(嚟)自住諗住要返舊樓,一黎(嚟)location方便d(啲),二黎(嚟)負擔到既(嘅)新樓真係好x細」,更有網民指就算新樓有靚會所、靚大堂其實並唔係買樓主要考慮嘅重點:「你話啲樓舊/無會所,其實都是門面野(嘢),會所你又會去幾多次,出邊唔靚但你入邊可以裝修架(㗎)嘛,我覺得只要管理好就新舊都無問題,反而依家新樓管理費貴到傻,又唔見管理左(咗)咩」、「問題係舊樓靚裝之後大過又靚過實用過私(新)樓多多聲,起碼冇果(嗰)d(啲)多餘露台。貪大堂靚,貪走廊乾淨,貪有會所。大佬呀,你一年有幾多時間逗留係呢d(啲)地方」

有網民認為現時舊樓與新樓價錢相若之餘,買舊樓亦要面對維修及與業主周旋的麻煩事,故買新樓為更好的選擇。

有網民則認為新樓單位面積始終過於細,數百萬亦只能買到300呎不足的單位,生活空間將完全不足。

text/Jonathan
photo/HKET圖片庫

============
同場加映:
【蝸居睇樓團】大角咀納米樓18萬搞掂!衣櫃/儲物/梳化3合一、5大增空間感TIPS

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓