鄭伊健繼《黃金兄弟》大獲好評後，相隔數年再接演風格大不同的《深宵閃避球》，由新晉導演應智贇自編自導，鄭伊健、周家怡率領一眾新晉演員包括李靖筠、陳海寧、鍾雪瑩、雲浩影、黃淑蔓、李玗蓁、王頤、宋嘉儀主演，號稱香港史上最揸流攤運動喜劇《深宵閃避球》將於10月6日上映，電影大走清新日本漫畫風格，人物性格立體鮮明，喜愛港產片的朋友千萬不要錯過！
伊健為了答謝一眾觀眾的支持，特意率領導演及一眾演員一行共11人於優先場首日親身答謝觀眾，走訪銅鑼灣、尖沙咀、旺角、荃灣及屯門不同戲院與粉絲見面，成為近年最多主角同場謝票的香港電影，非常誇張！
點擊圖片放大
當伊健甫出場，更有粉絲大叫《深》片中熱血教練名字「劉Sir」，伊健則馬上問觀眾：「我哋最緊張就系想聽到大家嘅反應，鐘唔鐘意呢部戲先？」粉絲們即熱烈歡呼「劉Sir好靚仔！拍多啲喜劇！」更有首日已經二刷電影的粉絲以戲中對白回應：「喺邊度跌低，就要喺邊度再跌低！」伊健對此熱情回應：「做人就係咁㗎啦！」
片中飾演熱血教練劉Sir的鄭伊健分享自己對角色的想法，表示：「其實呢個劉Sir一開始都係抱住打份工心態，不過收得人工都想交到啲成績向上司交代，所以就不經不覺投入咗呢隊球隊。劉Sir嘅特訓就係由零開始，其實佢係同班女仔一齊學習，有時仲係人云亦云咁去訓練，用自己嘅經驗同觀察力，拎出自己熱愛做運動嘅心態去幫呢八個女仔。」
點擊圖片放大
伊健在片中單挑8位新晉演員進行連環特訓，更要帶領球隊參賽，群戲眾多但又成功培養到彼此默契，伊健透露劇組上下都是零隔膜：「我拍呢部戲好開心，呢部電影有嚟自唔同年代嘅台前幕後，包括監製羅志良、我、家怡、導演應智贇、閃避球隊8位女生，甚至幕後班底，大家混埋一齊係唔容易嘅事，其實係成功嘅。大家戲裡戲外都好團結好認真去做，今次感受到成班人好齊心去做。」
點擊圖片放大
伊健更坦言比起自己，更希望大家留意到一眾電影生力軍：「我今次拍攝《深宵閃避球》遇到一個好有意思嘅故仔，新嘅導演應智贇，仲有咁多位新嘅演員，我希望大家會記住佢哋每一個面孔，留意住佢地發展！」
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
