政府新推「簡約公屋」、將公屋輪候時間「封頂」 網民熱議:最新房屋政策會否令私樓滅亡?

文: U Magazine
2022.10.24

最新一份《施政報告》於早前剛剛發佈,當中房屋政府焦點落於未來五年將興建3萬個「簡約公屋」單位以及將公屋輪候時間「封頂」,而最新嘅房屋政策又到底會唔會令私樓受到嘅嚴重影響呢?最近就有網民喺連登討論區上發文,指最新的房屋政策將會令私樓滅亡,因而就引起一眾網民嘅熱烈討論:最新嘅房屋政策對私樓會唔會有影響?

一個人排公屋要排十幾年?新政策只受惠於家庭?

樓主表示最新嘅房屋政策會令不少年輕人在將來都去排隊輪候公屋,因而就預計私樓將會滅亡:「個個一到十八歲走去等公屋,到廿四歲可以上樓」。對於樓主嘅見解,有不少網民都抱有質疑,認為輪候公屋只需6年時間屬過於理想:「到廿四歲可以上樓,你肯定?」、「18歲排到27歲,公屋呢?你俾我?」、「我十八歲就開始排,排x到就30都未x有」、「真,當年18歲時排過,而家都三十幾連信都無回過」,有網民則指出單人與家庭於輪候公屋嘅時間有所分別:「封頂係家庭,不是單人」、「四人家庭先係4年,單身要等多四倍時間」、「6年等候期係講緊家庭,單人你收皮」,有網民更指以個人身份輪候公屋係無了期:「公屋排隊計分,單人隨年齡加分,到5X歲先同人地家庭同分,點輪得到你」、「18歲排,排到34都真係未必上到」

搵萬幾蚊都冇得申請公屋?政策變相鼓勵「躺平」?

亦有網民指出一般人難以達到申請公屋資格所需嘅入息及資產上限:「資產限制一x樣咁低上條x咩,除非躺平既(嘅)姐(啫)」、「你知唔知公屋入息你做份垃圾工都過?」、「你要排到公屋前都仲係得12k人工再講野(嘢)啦」、「OnX公屋唔係俾正常人住,個月入勤力啲都過,如果你住得到一係永遠現金出糧唔存銀行,唔係的話一定係廢人」,更有網民認為新嘅房屋政府變相鼓勵人向下流:「私樓滅亡前,香港會先收皮,為咗排公屋,集體躺平,去晒做最低工資工種,為既(嘅)係要符合個入息同資產要求,呢種政策係變相鼓勵向下流」

有網民指就算政府推出了新的房屋政策,單人輪候公屋時間仍會過長,「封頂」只會受惠於家庭申請。

亦有網民指申請公屋的入息及資產需求常人難以達到,私人樓仍有其市場需求。

住私樓同住公屋係兩類人?想住得好都係會揀返私樓?

另外,有網民就認為選擇住私樓同住公屋分別為兩批不同嘅人,新政策並不會對私樓有影響:「本身都係2個人種黎(嚟),唔覺得有衝突」、「多x魚(餘),住私樓同排公屋根本係兩批人,排公屋果(嗰)班一世都唔會買倒(到)樓,有能力買樓果(嗰)班會同你住公屋咩」,亦有網民認為若想提升生活質素都應該會買私樓住:「理應上如果有要求,想質素高啲,環境好啲,住得大啲就應該買私樓..不過宜(而)家樓價貴到離晒地,一般打工家庭冇辦法買到,令人變到有得住就算」,有網民更認為新政策反而有機會令私樓需求增加:「啱啱相反,如果大力推動簡約公屋計劃,而放棄興建似居屋嘅公屋單位,只會逼私樓大升,當然,大前提係要香港多返啲人爭住屋先得,多咗人移民又少咗人嚟返工讀書,樓市一定有壓力」

新政策會令人人有屋住?私樓樓價會跌到合理水平?

不過亦網民認同樓主嘅睇法,認為新嘅房屋政策對私樓有影響,會令私樓價格下跌:「班炒家AA狗(意指地產經紀)不願意接受現實,單身果(嗰)班未有公屋都可以申請入住,而架(家)政府瘋狂起公屋/居屋/簡約公屋,根本係要人人有屋住,當公屋有剩就會轉做居屋賣,賣唔晒再降低門檻」,有網民則認為下跌亦因現時樓價過於不合理:「個重點根本唔係樓價跌幾多,係現價唔會有承接力,直至跌到合理價」、「樓價本身就比(畀)班有錢人搞亂左(咗),其實唔系(係)想睇樓市冧,系(係)想回復正常先啱」,亦有網民認為私樓亦將會受中國內地政策所影響:「阿爺之前開到聲話要解決香港房屋問題,人人有屋住,你地冇睇新聞?」、「住房(房住)不炒以為x講?都定性咗香港矛盾係住屋問題,仲會俾香港啲樓升?」

有網民認為會住公屋及住私樓為兩批不同人士,新政策不會做成衝突,追求住屋質素的人都依然會選擇私人樓。

亦有網民認為新的房屋政策將終會令人人有屋住,昂貴的私人樓將會失去承接力,並跌至較合理的價格。

text/Jonathan
photo/HKET圖片庫

============
同場加映:
【蝸居睇樓團】又一村750呎單位 原則超唔好用? 打卡圓鏡梳妝枱 弧形櫃用料2大Tips

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【請您試用】Parisine全新香水身體護理系列↓

↓潔淨肌膚同時散發綿長持久的香氣↓

↓潔淨肌膚同時散發綿長持久的香氣↓

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓