《破地獄與白菊花》10月27日起第十度搬上舞台！雖然由2008年首演至今，14年期間已上演超過一百場，但觀眾反應依舊熱烈，場場爆滿。 這戲涉及打齋等香港殯儀文化，很多觀眾都會帶着靈異聯想入場，其實編劇兼主角黃詠詩最想講是一個打齋家族的幾代人情。被問到萬聖節期間來看《破地獄》會否相沖，出身自打齋家族的黃詠詩幽默回應：「應該會好熱鬧……」
U Magazine：萬聖節嚟睇《破地獄與白菊花》會唔會相沖㗎？
黃詠詩：相沖就唔會，不過嚟睇應該會好熱鬧。因為萬聖節都係亡逝嘅靈魂會返屋企探親，佢哋探完冇嘢做就一齊嚟睇show啦。
U：如果觀眾想送花畀你，唔送白菊花得唔得？
黃：白色花係傳統西方喪禮用嘅，中式喪禮係用彩色嘅花㗎，如果你係西人咪送白色花囉，豆腐花都得㗎。
U：之前嘅演出，前台人員都會穿着道士袍和大家拍照，今次會唔會繼續有呢？
黃：要睇前台工作人員嘅健康狀況，因為嗰套道士袍都好焗下。可能着紙紮會通爽啲。
U：你準備咗紙紥袍畀前台同事？
黃：講緊數，佢哋多數唔制。
U：最後請你留一句入場密碼畀嚟睇嘅觀眾。
黃：活到最盡每一刻，唔該！
▌因疫情關係，不斷延期的《破地獄與白菊花》終於定在10月27日起於香港壽臣劇院上演。
▌劇本已經是第十次搬上舞台，但門票依然是場場售罄。
▌舞台劇將於萬聖節期間，在好多故事的壽臣劇院上演。
▌演員黃詠詩笑稱亡逝的靈魂探親後或許會一同前來看劇，屆時會好熱鬧。
▌白色花也好，彩色花也好，若觀眾想送豆腐花，黃詠詩也欣然接受。
【info】
《破地獄與白菊花》(心靈通渠版)
日期：10月27日至11月6日，8pm；10月29-30日、11月5-6日，4pm
地點：香港藝術中心壽臣劇院
門票：$420 / $320
查詢：9494 1556
============
同場加映：
【蝸居睇樓團】【蝸居睇樓團】又一村750呎單位 原則超唔好用？ 打卡圓鏡梳妝枱 弧形櫃用料2大Tips
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
