阿寶終於黑化！TVB台慶劇《美麗戰場》進入白熱化階段， 最新一集講到陳瀅為了擺脫經理人陳山聰，於是踩上門「搲」爛塊臉，以私自挪用她的收入為名，要脅陳山聰讓她解約，但陳山聰不受要脅，更與陳瀅吵大鑊。陳瀅終告黑化後，大晒咆哮式演技，全力喊到震，發後再以暗藏殺機的一秒變奸樣，交出有水準的演技。
最新一集劇情講到萌生解約念頭的鍾家寶（陳瀅 飾）踩上門「開拖」嗌交，一開口就要脅王一言（陳山聰 飾），「將所有爭我嘅錢一次過還翻晒畀我 」，更欲公開陳山聰以齷齪手段私自挪用她的收入，豈料陳山聰反客為主，連本帶利將錢奉上，卻偏偏不肯解約，令陳瀅氣急敗壞。
陳山聰以一句「放心！你份約有排都未完，我一定會好畀心機幫你接job！」激起陳瀅的怒火，令陳瀅頓時怒哮：「你點先肯放過我啊！」陳山聰同樣爆seed，直指不會白白放棄會生金蛋的雞，再直斥陳瀅欲以嫁人擺脫他，全屬「計錯數」，再以一句「本來你遇上我係一場美夢，係你最後迫我成為你嘅惡夢」擊潰陳瀅。
陳瀅此刻雙眼通紅，眼淚盈於眼眶，由嗌架咆哮，到希望崩塌，痛哭敗走，都交出了有水準的演技，一幕近距離面對陳山聰的唬嚇，以一呼一喘的處理方式，咬牙切齒而深鎖眉頭痛哭，足見匠心獨運的演繹，亦與之前純真未黑化的模樣相較下更顯深度。
陳瀅其後再有黑化觸發點，當她回到昔日的茶餐廳遇見區家明（張馳豪 飾）時，眼內仿佛活現當初的純真初心，但兩人卻已隔著最遠的距離。突然，陳瀅的好姊妹林小美（陳曉華 飾）如同女主人般出現在茶餐廳，直令陳瀅心生嫉妒，一秒變奸，神態藏不住殺機，微表情相當過癮。
【最新劇透】
圖及來源：劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
