鳳凰山東涌夜晝遊

文: 爛玩精
2009.12.11


點解叫夜晝遊?由於今次的玩法係由深夜開始,至第二天結束囉…… 呢個係非一般的夜遊,絶對排戰你的體力和準備是否充足。

第 1 站 鳳凰山看日出

 今次係首次登鳳凰山, 揀深夜開始行, 當然係為咗睇日出啦!好耐冇試過行山睇日出…… 好期待 !

 3:30am, 我們係東涌巴士站搭的士到達伯公坳開始起行.…行咗兩個多小時, 終到達鳳凰山山頂, 都有差不多 1,000 米,越過一個又一個的山峰,好開心, 幾有滿足感!

 原來多位龍友早到達 set 定相機,等晨光第一線 ! 原定係 6:40 有日出, 但等了又等,終於係 7:00 見到鹹蛋王啦 ! Yeah… 本來見濃霧深鎖, 真係天公造美 !   

 鳳凰山由兩個山峰組成,主峰為「鳳」、副峰為「凰」,故合稱為「鳳凰山」。由於鳳凰山為大嶼山上最高峰,所以圍攏附近四周的大東山、二東山、狗牙嶺、彌勒山、羌山、膝頭哥山等均不能遮擋其 360 度之景觀,故為觀日出及賞雲海之著名勝地。

 最高點:約海拔 934 米(鳳凰山頂),為最港第二高,伯公坳鳳凰山 (此段步程大約 1.5 至 2.5 小時)及鳳凰山昂坪 ( 此段步程大約 1 至 2 小時)。

第 2 站 茶園餐廳

 沿途去大佛時, 見到有一茶舍。Oh! 應該係自設茶園,,之前有報道過的那間茶園餐廳, 可惜太早,餐廳並未開門。否則坐坐嘆杯茶,也不失為賞心樂事!   

 除了有茗茶外,也供應一般粉麵飯、冷熱飲,齋膳水準也不俗。二人素餐 $130 ( 二送一湯 )、四和素 $213 ( 三送一湯 )。

即睇全文介紹

第 3 站 心經簡林

 過醉人的蛋王後,收執細軟要落山啦 !

 這一段路較陡峭梯級較多,幸好不算太辛苦, 大約兩小時, 我們就到達心經簡林。

 呢度真係好寧靜舒服,我雖然並非佛教徒,但四處走走,拍拍照也實在不錯。 睇番之前的圖片,發現心經林經翻新後更勝從前, 呢方面的保育功夫,實值得一讚。

即睇全文介紹

第 4 站 天壇大佛

 再沿路走 5 分鐘便到了大佛, 大清早便有不少善信和旅行團前來參拜, 好不熱鬧。

 當然經過了一夜的行山旅程,我們不宜上去了,始終腳力有限,還係較適合往昂平市集走走…… 之前聞說市集較冷清, 出租率也較低, 但並非如是!

 見有不少工藝品店,食肆林立, Starbucks、 滿記等也應有盡有,遊人數目也不少,應該還不錯!

即睇全文介紹

第 5 站 昂平 360

 嚟到呢度,點可以唔搭下360 纜車呀 ! 其實,之前都係驚驚地,咁多意外,點會唔担心 ?!

 但朋友說,若搭巴士或的士, 要差不多一小時車程, 仲要繞山而行。對於暈車浪的我來說, 即係無得揀啦 ! Ok, 咁搏一搏, 好彩而家都可以坐係度同大家打呢篇遊記!

 不過,話時話,呢個 360 都係幾舒適,纜車座位寛敞, 眼前的大窗更係無遮無擋, 可以遠眺機場……唔錯!$70 幾蚊一程,抵唔抵真係見人見智……

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓