各位小朋友，你哋知唔知道4月有個五天長假期呢？係啊，放長假啊，放長假係唔駛返工架。
係咪好開心呢?
咁小朋友又知唔知道，放假可以去邊度玩好呢？哥哥帶你去街街好唔好？
第 1 站 4/4賞月全食 下次睇要等17年
4/4賞月全食小朋友，你哋知唔知咩係月食呢？唔駛驚，唔係月亮畀行雷怪獸食咗呀，月食只係一個天文現象，月亮伯伯同大家玩捉迷藏呀！
平時係咪好多功課做，無時間睇月食呢？唔駛怕，今次月全食會喺4/4夜晚出現，大家有足夠時間，搵定個靚位觀賞呢個天文奇景喇。
月全食將歷時約四個半小時，預料八時就係「食甚」時間，即係呢「月面中心與地球本影中心最接近」嘅時間。天文台叔叔話呢，如果天氣許可，大家仲可以去石澳、萬宜水庫東壩或大帽山山頂，係最佳觀賞地點嚟架。
如果錯過咗今次嘅月全食，就要等到起碼2032年（即17年後）先有得睇，到時小朋友都變中女架喇，巧京京牙～～
月全食活動詳情：（含太空館免費活動推介！)
http://hk.ulifestyle.com.hk/activity/detail.html?id=ABJGD1oyBwlZFwNo
欣賞完月全食，過兩日不如睇埋日落啦，唔駛去離島架：
http://hk.ulifestyle.com.hk/tour/detail.html?id=ABBGD1ozBwhZHgNv
第 2 站 免費自助餐 諾富特世紀酒店請4月壽星任食
放大假，不如開大食會丫！小朋友，你哋識唔識得4月生日嘅朋友仔呢？有就太好喇，因為酒店自助餐做緊優惠，4月生日人士憑優惠廣告入場，並攜同4位賓客惠顧自助午餐、晚餐或復活節自助餐，生日嗰個朋友仔免費，唔駛畀錢架！同行者亦有午餐85折或晚餐8折優惠。
溫馨提示：截稿前打過去問，復活節期間午餐同晚餐都仲有位，自己打電話去Book位啦。
（嘩救命呢part咁鱔稿嘅哈哈哈，講真，優惠嘅野，啱用咪攞去用囉）
免費自助餐活動詳情（含優惠海報下載！）：
http://hk.ulifestyle.com.hk/activity/detail.html?id=ABJGD1oyBwlZFwNi
第 3 站 悠閒逛市集 野餐、湖畔主題乜都有
行街街，唔一定要行商場嘅，去市集丫。
今個復活節檔期嘅市集好有特色，有無鍾意野餐嘅恐龍仔喺度呢？咁就要去野餐主題市集喇。有無朋友仔鍾意大埔小白鷺呢？咁就要去湖畔市集喇，一路觀賞湖泊風光，一路買玩具，一路過個舒舒服服、開開心心、輕輕鬆鬆嘅下午。
係咪好開心呢？
復活節市集一覽：
http://hk.ulifestyle.com.hk/activity/list.html?tag=145
去完野餐主題市集即刻想野餐嘅話，我地都有好介紹（草皮新玩法 睇戲野餐影飛機）：
http://hk.ulifestyle.com.hk/tour/detail.html?id=ABBGD1ozBwhZEwNi
.jpg)
第 4 站 國際枕頭大戰 睇人撕殺最開心
呢個活動係由Blogger發起嘅（Blogger即係得閒無嘢做上網搞吓嘢嗰啲小朋友呀），搞咗好幾年架喇，大家要自己帶枕頭去喎，最好著得靚啲，咁就very good喇。
Family一家大細都會嚟玩架，所以唔好咁大力劈啲(真嘅)小朋友呀，劈佢老豆啦。
之後要幫手清場呀，係咪好開心呢！
枕頭大戰時間地點詳情：
http://hk.ulifestyle.com.hk/activity/detail.html?id=ABJGD1ozBwNZEwNv
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
