周末做工廠妹 踩入工廈2015好玩好食據點!

2015.04.14

表面上,我係一個生活編輯。

其實我真正身份係一個工廠妹。

玩工廈,有一種神秘感,老殘工廈的外牆,埋藏著好多新概念,年輕人嘅創業夢,仲有抵玩抵買嘅精品!今個周末,有無興趣同我一齊做工廠妹掃掃場先?

  

第 1 站 「小時光」Cafe 重返當小學生的時光

坦白講,普遍人最懷念嘅讀書時光通常係中學, 不過如果畀你穿梭時空返到小學,你又會想做咩呢? 呢間名為「小時光」Scoool Cafe就幫你實現夢想,等大家做個台灣國小嘅學生!
 
「小時光」位於觀塘隱蔽工廈裡,工廠妹我一入到去,不禁喊出嚟!!!!!! 事關一踏入去,就覺得自己好似變番小學生咁,尤其係啲枱枱櫈櫈都係小學Size,四圍又有漫畫同玩具,仲要認真到有個「輔導室」,真係好有回憶呀!
 
食物方面,主打地道台式嘢食,例如鹽酥雞、牛肉麵同滷肉飯;飲品則走多元化路線,由紫薯咖啡到生果茶都有。當中最特別嘅應該係「蘇打」系列,因為會用test tube裝住,感覺好似上化學堂咁,唔岩飲都可以影幅靚相!
 
「工廠妹」小貼士:夠薑嘅著番套校服入去影相,小學嗰套呀!!!
 
前往辦法及試食報告(含大量靚相):

即睇全文介紹

第 2 站 天氣瓶工作坊 自製預測天氣的「魔法結晶」

有人話「天氣先生」信唔過,咁自製個可以預測天氣嘅天氣瓶你又點睇?

天氣瓶,英文名「Storm Glass」,起源於17世紀嘅歐洲。相傳佢會隨住氣溫同濕度嘅相差而形成不同型態的結晶,好似變魔術咁,好犀利呀!!

坊間而家都有唔少工廈舉辦工作坊,當中有啲仲會將天氣瓶擺設設計成吊墜,等你可以隨時隨地留意天氣變化,又靚又實用。

「工廠妹」小貼士:雖然工廠妹唔知佢準啲定「天氣先生」準啲,不過小妹估應該係堅過好打耳嘅「街頭魔街」架!

最近舉辦嘅天氣瓶工作坊(含報名方法):

http://hk.ulifestyle.com.hk/activity/detail.html?id=ABJGD1oyBwlZEQNv

即睇全文介紹

第 3 站 甘薯葉 本地首間素食超市

食完玩完做乜好?工廠妹推介大家行下葵涌工廈,皆因嗰度有「甘薯葉」-全港首間嘅素食超市!

呢間甘薯葉開業半年有多,佔地千多呎,相當闊落;貨品種類亦高達400款,包括醬料、飲品、零食、冷凍食品、米、麵及營養食品等,主要來自台灣及馬來西亞。 

「工廠妹」我自己雖然唔係素食者,不過有時都會支持「Green Monday」,相信嚟呢度掃貸就比較放心啦,因為甘薯葉老闆都係素食者,佢話店裡面有起碼7成貨係親身去過廠房睇生產過程架!

「工廠妹」小貼士:聽聞沙茶醬好味!想食嘢但又唔想肥嘅絲打不妨嚟呢度兜個圈呀~ 

甘薯葉地址及前往方法:

http://hk.ulifestyle.com.hk/spot/detail.html?id=ABdGDVo3Bw1ZFQNr 

 

即睇全文介紹

第 4 站 Vintage Maze 迷宮裡尋古寶

其實想喺工廈行街街,唔只得Outlet行嘅,「工廠妹」我知道觀塘有間古早味重嘅懷舊小店,裡面啲野全部都好有特色架,分分鐘行你成個下晝都得!

呢間Vintage Maze裝潢大玩復古,除咗有好多黑膠唱片同鎢絲燈泡外,仲有好多來自世界各地的寶物,近至日本、遠至荷蘭都有,而且由六十至九十年代嘅貨品都有機會搵倒,有心人不妨上黎尋個寶。

店內貸品種類繁多,胡桃夾子、陀錶、望遠鏡匙釦等乜都有,仲有個自製恐怖BB頭匙釦(非賣品),真係嚇死我阿媽個仔。裡面嘅店員好鍾意戴住動物頭添,唔知賣唔賣嘅呢?

Vintage Maze地址及前往方法:

http://hk.ulifestyle.com.hk/spot/detail.html?id=ABdGDVo3Bw1ZFQNq 

「工廠妹」小貼士:如果睇完呢站你都仲係想行Outlet嘅,咁你就睇下面啦,有一百間俾你慢慢行:

http://hk.ulifestyle.com.hk/spot/list.html?tag=68

即睇全文介紹

第 5 站 玩乜乜乜 工廈運動、遊戲、3D館大集合

除咗以上比較新嘅小店推介外,工廈入面本身都仲有各種玩運動、密室遊戲、3D館等等嘅特色小店,等你周末「落雨不怕,落雪也不怕」。快啲睇下以下呢條link參考下,同朋友plan玩咩好啦:

http://hk.ulifestyle.com.hk/spot/list.html?tag=1310

以上都唔岩心水嘅話,之前都介紹過荃灣、新蒲江、同觀塘嘅工廈架:

http://hk.ulifestyle.com.hk/tour/list.html?cat=27

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓