「法國五月」4大推介! 全方位感受法國情懷

2015.05.01

「Bonjour!」一到五月,個口就情不自禁地講兩句法文,皆因又踏入咗一年一度嘅「法國五月」啦~要感受呢股法國風,首先你要睇咗以下4大推介先。然後就會唔講唔覺,以為自己生活喺法國!(以為啫...)

小知識:其實何謂「法國五月」?

根據官網,「法國五月」為亞洲最大型的文化盛事之一,旨在促進文化交流。每年五至六月舉行,1993年首辦,今年踏入第23屆。

第 1 站 PMQ「法國五月」開幕慶典 感受集表演、音樂、美食於一身的街頭派對

今年「五一勞動節」係星期五,大家應該好開心,因為又有3日連假放Oh yes!
 
而PMQ元創方一連3日就會舉辦「法國五月」開幕慶典,等大家一齊感受吓法國傳統街頭派對(bal populaire)氣氛。當中活動非常豐富:除咗有法國步行銅管樂團表演外,又有一系列由巴黎著名視覺藝術學府Les Gobelins 畢業生所創作嘅精彩動畫短片作品;公眾仲有得試玩戶外電動遊戲,同埋最緊要-品嚐法式美食好似芝士、海鮮、當然唔少得法國人精神飲料 - 酒!如果大家未有錢或時間去法國,咁不妨先喺PMQ感受下法國情懷啦!
 
「法國五月」開幕慶典 活動詳情及介紹:

第 2 站 Haagen Dazs 巴黎鐡塔都有得你食

為應下節,Haagen Dazs時代廣場同皇室堡兩間分店都推出法式甜品喎,當中以「情迷艾菲爾配紅酒浸梨」最有睇頭!

成個甜品睇落都有幾分似鐵塔(嗰兩塊朱古力),而且仲有來自法國南部庇利牛斯地區紅酒所浸成嘅梨,食完唔知會唔會想講句「C'est bon!」呢?不過物以罕為貴,呢個塔得皇室堡有咋。再唔係都有另外三款揀,等你感受下法國嘅浪漫氣色。

呀,唔記得咗提你,大家只要噝5月1至3日到PMQ「法式節慶週末」(即係第一站個活動呢),即可免費試食Häagen-Dazs雪糕!

Haagen Dazs活動詳情及介紹:

http://hk.ulifestyle.com.hk/activity/detail.html?id=ABJGD1oyBw1ZEQNj 

第 3 站 K11 x 法國五月 法式藝術市集

如果5月1日-3日唔得閒,但又想感受下法國氣色點好?唔駛驚,K11今年都有個法式藝術市集 ─ Le French Marché,舉行到5月17日架。

活動期間,除咗一系列法式小食外,K11亦有逾20家法式小店雲集,舉辦超過40場趣味互動工作坊。佢地仲請咗Tsuica馬戲團同法國音樂六人樂隊嚟表演、增添氣氛!可能你睇完都會大叫:「點解嘅?好犀利呀!」

法式藝術市集詳細介紹及地址:

http://hk.ulifestyle.com.hk/activity/detail.html?id=ABJGD1oyBwlZFgNp 

第 4 站 法式活動大集合 漫遊展覽做善事

雖然身不在法國,但要望梅止渴,話禁易啦!「法國五月」流流長,當中會舉辦攝影展覽、工作坊同義賣等等,等你可以邊了解法國文化、邊做善事添。而其中YellowKorner所舉辦嘅攝影展,仲會展現巴黎百年來嘅建築、歷史演變歷程,話你知其實巴黎除咗出名「浪漫」之外,仲有千萬種模樣架!(睇完靚相好想飛一轉法國呀~嗚呀!)

「法國五月」活動大集合:

http://hk.ulifestyle.com.hk/activity/list.html?tag=2357 

 

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓