點只得戲院?數碼港舒適優閒Check point一覽!

文: 尋玩人
2015.05.16

講起數碼港,你腦海裡面嘅關鍵字可能只有「遠」、「貴」同「得間戲院」。

不過,如果你細心留意,你會發現當地原來除咗間戲院幾正之外,仲係一個野餐、睇日落嘅好地方,而家仲有埋Cafe歎添!想遠離煩囂, 悠閒一日遊嘅大家不妨踩入嚟hea下啦喂!

 

第 1 站 數碼港百老匯戲院 舒適幽會勝地

點解個個講親數碼港都講戲院?無它嘅,數碼港確實景點唔多丫嘛哈哈哈,咁間戲院確係少人又舒服嘅。只要你唔係怕寂寞、怕凍,閒日嚟睇戲分分鐘包場。有朋友仲話,其中一個叫Palace嘅影院,寬敞度好似住飛機頭等艙咁(至於你信不信,反正我信了)如果大家想避世又或者安靜地放鬆一下,的確值得一去。

更多戲院資料:

http://hk.ulifestyle.com.hk/spot/detail.html?id=ABdGDVo3BwNZFQNv 

即睇全文介紹

第 2 站 數碼廣場 大片草地野餐最正

講起數碼港嘅草地,大家通常都係知海濱長廊,數碼廣場反而少人提起。其實數碼廣場位於數碼港二座四樓艾美酒店旁,環境絕不輸蝕海濱長廊,適合三五知己野餐。

呢度最大特色係梯田式地劃成四層闊度不一嘅草地,不時更會有音樂會或藝墟舉行,等大家吸收一下文化氣息。

更多數碼廣場資料:

http://hk.ulifestyle.com.hk/spot/detail.html?id=ABdGDVo3BwNZFQNi 

即睇全文介紹

第 3 站 數碼港海濱長廊 漫步放狗歎日落

講番上面提到嘅海濱長廊。假如你唔鍾意野餐,唔緊要;但嚟到數碼港就一定要去海濱長廊!皆因呢個長廊佔地50,000平方米,空氣清新,對住大海景色醉人,最好去放狗仔。唔少情侶仲會喺附近影結婚相添!

更多海濱長廊資料: 

http://hk.ulifestyle.com.hk/spot/detail.html?id=ABdGDVo3BwNZFQNj 

即睇全文介紹

第 4 站 Les Amis 90後開法式Cafe

數碼港出名無啖好食,聽聞有某M字快餐店進駐已經係數碼港「員工恩物」,嚴峻程度可想而知。

今年終於有少少突破,數碼港商場有Cafe進駐,賣新鮮自製法式甜品,個店主仲要係90後(嗚哇,年輕!),真係不得鳥。小店走簡約清新風,甜品就有成二、三十種,選擇都唔少,如果大家有閒情逸致,行到攰嘅不妨一試老闆娘朝朝自製嘅甜品啦!

更多Les Amis資料:

http://hk.ulifestyle.com.hk/spot/detail.html?id=ABdGDVo3BwNZEgNq 

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓