$1/個代幣!玩轉香港4大新舊「代幣」室內遊樂場

文: 尋玩人
2016.08.05

主題公園或短暫性的嘉年華收費不菲,如果出街想有冷氣歎又唔單止行街睇戲食飯咁悶?室內遊樂場是一個不錯選擇,地點夠就腳,分分鐘屋企附近就有慳埋車錢。相對地收費又較平,最平一蚊一個代幣,兩個人玩100蚊都唔過份。今次將為大家推介4個平靚正又長期開放的室內遊樂園,平日去都得!

第 1 站 Molly Fantasy 親子樂之選

Molly Fantasy係 AEON旗下一間小型室內遊樂園,分店只有4間,分別位於將軍澳、天水圍、荃灣及鰂魚涌。今次到訪位於鰂魚涌康怡廣場的分店,場地比較細,但新開緣故設施新淨。Molly Fantasy有較多好專為小朋友而設的遊樂設施,而且分店多在AEON百貨公司或12蚊店內,最適合一家大細玩完再過隔離買家居用品。

非會員於平日消費$100元起$1有1枚金幣,於星期六、及公眾假期消費滿$200可另外獲贈20枚金幣,$300多30枚,如此類推。每個遊戲大約需要5-8個代幣,收費較下面3間貴。
 
Molly Fantasy
地址:鰂魚涌康山道2號康怡廣場(南)AEON STYLE康怡內
開放時間:10am - 10:30pm
 
即睇全文介紹

第 2 站 奇趣天地 遊戲最抵玩

開業多年的深水埗西九龍中心奇趣天地遊樂場總面積超過8000平方呎,擁有多款舊遊戲機,幾乎是歷史的叮噹車都有得玩,80、90後來一定有共鳴!但換轉一個角度來說,部分遊戲機相較其餘3間舊式。

場內代幣$2一個,亦有不同優惠套餐,$50蚊35個代幣、$100蚊100個代幣、$200蚊205個代幣等,而每個遊戲大約1至3個代幣就有得玩,如氣墊球、籃球機只需3個代幣,可謂最抵玩一間!
 
 
奇趣天地
地址:深水埗欽州街西九龍中心9樓 901-903 號舖
開放時間: 10pm - 10pm (星期日至五及公眾假期) 10pm - 10:30pm (星期六) 

第 3 站 Namco 夢幻樂園 夾公仔達人可以大顯身手

曾經看過一段夾公仔達人短片,用上兩三個代幣便夾到,叫人非常崇拜!(因為真的很難夾中...) 如果你自認是夾公仔達人就一定要去「Namco夢幻樂園」挑機。
 
朗豪坊分店規模不大,但場內擁有多部夾公仔機,公仔類型十分多樣化,全都是女生最愛的卡通角色,包括史迪仔、Chip and Dell、My Melody、Little Twins Star、鬆弛熊、單眼仔、布丁狗等等,下次拍拖去實無死(重點係要夾到,萬一夾唔到去商場買返隻都方便)!樂園不時開設日系動漫的限定店及引進新式貼紙相機,較其他遊樂場更多元化。

場內每個代幣都係$1/個,不過只適用於擲彩虹,其他遊戲要用返電子卡進行。
 
Namco 夢幻樂園地址及詳細介紹: 
即睇全文介紹

第 4 站 Comic Park & Cafe 吃喝玩樂齊晒

剛於8月新開幕的Comic Park & Cafe 位於九龍灣Mega Box,佔地7000呎,吃喝玩樂連買都有齊。
 
遊樂場部分有逾30部遊戲機,遊戲機是4間中最新,而部分遊戲如擲彩虹還以幪面超人為主題,連獎品亦是動漫角色的禮品,較其他3間更有睇頭!雖然最新開,但收費不算貴,代幣每個$2,$20入會仲送20個代幣,貪新鮮的朋友不妨到此一遊。
 
玩完行兩步已經到動漫主題cafe,提供「咸蛋超人兒童餐」、「Rody兒童餐」、「超人家族M78星雲家庭套餐」等特式套餐,價錢較平時主題餐廳更划算,兒童餐約$60-70元。
 
Comic Park & Cafe 地址及詳細介紹: 
即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓