$0蚊過情人節!5大抵玩拍拖好去處

文: 尋玩人
2017.02.10

又到情侶們一年一度大事-情人節!倒數幾天,諗好同另一半去邊到sweet sweet未呢?未諗好不妨睇睇以下5大限定情侶好去處,部分是免費入場,非常抵玩,就算零蚊一樣可以有個難忘情人節!

第 1 站 九龍塘$70溜冰+整皮革 推薦度:★★★✰✰(5★最高)

又一城歡天雪地溜冰場將於情人節前夕的星期六舉辦免費皮革工作坊,只要俾$70就有得溜冰兼DIY小皮袋,可當作情人節前奏活動。拖住手仔溜冰夠晒Sweet ,之後再合力製作小皮袋,玩半日都好抵!不過工作坊名額不多,要參加就早啲到!

活動詳情情侶抵玩好去處 $70包溜冰+整皮革

即睇全文介紹

第 2 站 淺水灣免費天台電影院 推薦度:★★★★★

鍾意睇電影的情侶注意!淺水灣the pulse於二月每個週五、六、日均會舉行兩場Sunset放映館,情侶們可於日落下的天台一邊享受海景,一邊欣賞電影。場地更提供各款零食、飲品同暖毯,重點係費用全免,記得夾好時間去睇埋日落!既免費又有靚景,所以小編誠意推薦,不過對於居住九龍、新界、離島的朋友車程較遠。

地址及開放時間:日落下天台映院!淺水灣2月限定免費Sunset放映館

即睇全文介紹

第 3 站 旺角東10米花燈步道 推薦度:★★✰✰✰

情人節又點少得打卡呢?MOKO新世紀廣場的花燈步道有十米長,晚上全部天燈亮起非常夢幻,最啱情侶影相。位置勝在方便,情人節正日撐完檯腳飯去都唔遲。

開放時間:超浪漫!MOKO新世紀廣場舉行甜蜜綵燈會

即睇全文介紹

第 4 站 愉景灣巨型心形燭光 推薦度:★★★★✰

講到情人節打卡又點會無愉景灣,除咗多個心形裝置外,大白灣沙灘的千顆心形燭光絕對係每年亮點,只限情人節當晚6時至11時擺放,錯過又要等多一年!可惜今年情人節是星期二,要放工入愉景灣似乎有點趕。

詳看情人節限定!愉景灣5大心形打卡位

即睇全文介紹

第 5 站 暗黑情人節之旅 推薦度:★★★✰✰

嫌以活動太普通?不如試下摸黑同情侶共度75分鐘!不要心邪,小編要介紹的是黑暗中對話體驗館的75分鐘全黑浪漫旅程,讓大家試在黑暗環境中以全新角度了解你的另一半!指定時段(下午五時十五分或下午六時十五分)可享二人同行一人價錢優惠,除開每位HK$140,同樣抵玩。

報名方法及詳情:黑暗中對話情人節之旅 指定時段買一送一

即睇全文介紹

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓