深入粉嶺 聯和墟掃街特集

2017.04.08
入到粉嶺覓食,距離粉嶺港鐵站約15分鐘路程的聯和墟,一定是必到之處!有招牌老字號豬手牛丸麵,亦有平價抵食的$3腸粉,又可以約朋友入粉嶺掃街喇!

第 1 站 大蕃薯

故名思義,「大蕃薯」主打當然是蕃薯製品,首推一定是蕃薯西多士。西多士即叫即製,多士炸得金黃酥脆,加上半溶牛油,賣相已經令人食指大動!內餡有滿滿的蕃薯蓉,帶有蕃薯粒粒,口感豐富,吃得出是真材實料。整體西多士偏甜但不會太膩,可以不用另加糖漿。

另一推介是薑汁甘薯批,蕃薯蓉綿密微甜,薑味突出,一小件已經非常飽肚!

套餐凡加$15可加配蕃薯奶茶,奶茶表面加上一層由蕃薯打成的泡沫,搭配茶味濃的奶茶,惟整體蕃薯味道未算突出。


地址:粉嶺聯和墟聯昌街7號


第 2 站 臺道手抓餅專門店

手抓餅每個$13,有近22種配料選擇,有肥牛、韓式泡菜、煙鴨胸、鹹牛肉等,另有4款醬汁:沙律醬、咖喱醬、蜜糖芥末醬和辣椒粉。

小編挑選了其中三種:雞蛋、燒雞肉和蘑菇,搭配蛋黃醬。手抓餅全部即叫即製,上手熱辣辣,手抓餅煎得非常香脆,但略嫌有點油膩。雞蛋呈半熟狀態,蘑菇與燒雞肉不會煎得太乾,味道不俗!


地址 : 粉嶺和隆街2-8號寶寧樓地下2B號鋪

第 3 站 四眼仔腸粉

入粉嶺其中一間必食的一定是「四眼仔腸粉」,店內以平價取勝,腸粉、魚蛋和燒賣都是$3,只需要$9就可以食到三款港式小食,難怪店外永遠都大排長龍。

腸粉($3/2條 | $6/4條)皮薄嫩滑,簡單加上醬油、辣醬、麻和芝麻醬已經好食。陳皮魚蛋($3/7粒)口感紮實,陳皮味突出;燒賣($3/4粒),全部非常抵食!


地址:粉嶺和隆街40B號地下


第 4 站 協香麵包西餅

協香麵包西餅有不少創意麵包,當中最受歡迎之一的雞髀包,每個售$8.5。與一般常見的香腸包和餐蛋包不一樣,鬆軟的麵包包着原隻滷水雞髀。

 雞髀不算大隻,但勝在夠入味, 啖啖肉。麵包不斷新鮮出爐,熱辣辣的雞髀飽非常加分!


地址:粉嶺聯和墟和隆街24號地下


第 5 站 群記牛肉圓豬手

街坊老店的群記牛肉圓豬手開業40逾年,主打牛丸和豬手。牛丸細細粒,彈牙爽口,牛肉味濃。豬手皮厚肉腍,豬皮吃起來不會覺得肥膩,蘸上自家製的辣椒醬更加提味!辣椒醬香而不辣,味道偏鹹,帶些蒜蓉香味。

不過,豬手每日限量供應,賣完即止,通常未到五點就已經賣完。小編去當日大約2點多豬手已經售罄,想吃的朋友記得一定要提早到!


地址:粉嶺聯和墟聯昌街5號豐景樓地下

第 6 站 椰子樂

椰子樂主打新鮮椰汁,將原個椰子即榨,加入椰子肉、椰水、牛奶製成,不添加罐頭椰漿。現有6款口味,分別是士多啤梨椰果椰汁、芒果爆珠椰汁、珍珠椰汁、紫薯椰汁、綠茶椰汁和朱古力椰汁。細杯$14、中杯$16、大杯$20,轉作特飲可加2款配料,有原味小丸子、香芋味小丸子、珍珠等。

珍珠椰汁奶味重,味道不太甜,椰子味突出。自家製香芋小丸子和珍珠口感軟糯,份量驚人,幾乎有半杯份量,惟香芋小丸子的香芋味不足夠。


地址:聯和墟聯興街17號地下(中國銀行對面)

第 7 站 艾粒是叻

順帶推介鄰近上水的美食,艾粒是叻推出艾粒杯,上層放食物,下面連著杯子,方便客人邊行邊食。招牌雜錦杯($68)有齊蟹蓋、炸蝦、吉列蠔、炸雞等9款食物,份量驚人。推介芝士西蘭花薯波,外表炸得香脆,內餡滿滿西蘭花薯蓉,芝士味香濃。

下層飲料有7款選擇,有檸檬汁、菊花蜜等,或可以加錢轉菠蘿椰子奶昔、紫薯奶昔等。但小店人手不足,等候時間約20至30分鐘,若可加快出餐時間會更好。


地址:上水馬會道184號後座地下B號舖

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓