熱愛優質生活

連放3日假去邊好?精選4個免費影相打卡好去處

2017.09.29

等了4個月,終於等到公眾假期連放3日假啦!如果放假未諗到可以去邊玩的話,可以睇睇以下4個地方,免費之餘又可以約埋朋友一齊影靚相,鐘意浪漫氣氛的可以去觀塘影星海,360度被星海包圍住又靚又浪漫!而可樂和梳乎蛋的粉絲就記得要去和最愛合照。如果想去旅行又未有時間的話,可以先去尖沙咀感受一下荷蘭巨型風車,影完相去埋附近行街食飯,輕輕鬆鬆就過一日~

第 1 站 觀塘光影展  360度免費任睇觸得到的星海

觀塘apm大堂現時正舉行佔地3000呎的「星際光影之旅」,360度全方位光影技術令人猶如置身浩瀚宇宙被星星包圍,非常浪漫,大家仲可以盡情影相打卡

地址及詳情:https://hk.ulifestyle.com.hk/activity/detail/109157

第 2 站 梳乎蛋登陸3商場  梳乎蛋搖搖化妝掃/眼影蛋盒/梳乎粉盒波波池

Facesss踏入十四歲生日,邀請了梳乎蛋現身三個商場的Facesss和大家影相,場內有多個可愛梳乎蛋+化妝品主題影相位,粉絲記得要去影相啦!

地址及詳情:https://hk.ulifestyle.com.hk/activity/detail/109171

第 3 站 可樂期間限定迷你博物館  同超巨型可樂罐影相! 

可樂迷留意啦!近日山頂廣場出現了一罐巨型可樂罐,原來入面是一個迷你博物館,可樂迷可以影相打卡,假期去開山頂玩的話記得要去影相~

地址及詳情:https://hk.ulifestyle.com.hk/activity/detail/109185

第 4 站 尖沙咀紙膠帶期間限定店  巨型荷蘭風車/顛倒屋/錯視館

想去荷蘭又未有時間去的話不如去尖沙咀率先欣賞一下巨型荷蘭風車,場內亦有可愛的小動物、顛倒屋等裝置,和朋友一齊仲可以影搞怪相,例如走到屋內不同位置身體就會縮小放大,最啱貪玩搞怪的朋友!

地址及詳情:https://hk.ulifestyle.com.hk/activity/detail/109200
內容評分
評語