熱愛優質生活

精選4大中秋慶祝活動!7米巨型月亮/40米長燈籠街

2017.10.03

過完國慶假期,相信大家都預備好迎接中秋節假期!香港今年有不少中秋節期間限定的特別活動和食品推出,眾多活動入面小編推薦大家去睇7米巨型月亮,整個月球就像在自己旁邊,仲可以影相打卡,充滿中秋節氣氛!另外過中秋節不少得月餅和燈籠,每逄中秋節,香港的街市都會化身燈籠街,掛滿五彩繽紛的燈籠,非常壯觀,而且燈籠街內大多數是已經比較少見的傳統燈籠,大家可以買一個應節重拾童年回憶~食得多傳統月餅可以轉轉口味,今年中秋有不少卡通月餅推出,當中Sanrio粉絲就可以選擇印有Sanrio卡通角色的一口月餅,食完月餅仲可以食埋中秋限定的法式泡芙,過一個充實開心的中秋!

第 1 站 月亮藝術裝置「Museum of the Moon」 7米巨型月亮

一個7米巨型月亮裝置登陸灣仔利東街,裝置造型設計細緻,猶如一個大大的月球現身眼前,仲可以見到月球表面的洞,如果想近距離賞月,不妨去欣賞一下這個月亮裝置~

地址及詳情:https://hk.ulifestyle.com.hk/activity/detail/109043

第 2 站 元朗大橋街市 40米長燈籠街

傳統的燈籠已經逐漸被電子燈籠取代,不過元朗大橋街市一到中秋就化身一條長40米的燈籠街,掛滿五彩繽紛的傳統舊式燈籠如金魚、玉兔,壯觀又美麗!

地址及詳情:https://hk.ulifestyle.com.hk/activity/detail/109227

第 3 站 A-1 Bakery X Sanrio奶黃月餅

除了傳統月餅,今年A-1 Bakery聯同Sanrio推出一口流心奶黃月餅,每盒4個有不同的Sanrio卡通角色如PC狗、KeroppiHello Kitty等,粉絲可以買一盒賞月食~

地址及詳情:https://hk.ulifestyle.com.hk/spot/detail/427578

第 4 站 法國泡芙名店L’Éclair de Génie 中秋限定玉兔泡芙

法國泡芙名店LÉclair de Génie推出中秋限定玉兔泡芙及月餅,大家食得多月餅可以轉轉口味食玉兔泡芙,同樣應節有氣氛~

地址及詳情:https://hk.ulifestyle.com.hk/spot/detail/427664

內容評分
評語