荃灣新式覓食清單 噴煙夢幻盆栽拼盤+炸原隻軟殼蟹

文: TenTen
2017.12.22

荃灣一向有很多小店,很多人都會特意到荃灣食刀削麵、米線等麵食。近月荃灣新開了不少特色小食店,舊有的長龍店亦推出了新品,大家假期可以到荃灣食足一日,試試不同風味的美食。

第 1 站 脆味工坊味咁串

新開小食店主推各款炸物及串燒,招牌炸原隻軟殼蟹($32),即叫即炸,撒滿海苔粉,內藏滿滿蟹膏,鮮味十足,但略嫌偏油膩。

芝士焗大啡菇($32),有三款口味挑選:肉醬、煙肉及薯蓉,蘑菇厚肉多汁,肉醬亦不會過鹹,調味適中。

另有懷舊炸鮮奶($25),同樣即叫即炸,外層炸得非常香脆,內層鮮奶餡偏稠身。小編推介榴槤炸鮮奶($32),榴槤味香濃天然,沒有人工香料的味道,質地更加滑溜。

不過小店開業初期,人手相對不足,每款炸物均即點即製,等候時間較長。

 

地址:荃灣荃興徑14號b 地下


 

第 2 站 荳子beans

Beans最近推出限定盆栽甜品拼盤Cozy($88),搭配石頭造型芝士蛋糕,外表幾可亂真。重點是甜品底部加入乾冰,上枱時有噴煙效果,非常夢幻!

芝士蛋糕外層是芝麻慕絲蛋糕,內有忌廉芝士和柚子蘋果,以及牛油餅底,口感豐富。慕絲質地軟滑,有淡淡的芝麻香味,搭配酸甜的蘋果蓉,味道清新。

 另外有芝士燒配搭綠茶布甸和日本蜜柚,加上紅豆及廉。布甸綠茶味香濃,帶有微微甘苦味。 

拼盤還有兩款吉士小盆栽甜品,撻殻內加入吉士、士多啤梨醬,並撒上朱古力粉作「泥土」,造型小巧可愛。

期間限間焦糖芝士布甸燒($55),加入新鮮莓果和杏仁片,布甸非常滑溜,不過底層的芝士蛋糕味道較淡。

 

地址: 荃灣海壩街99號地下

第 3 站 SJ Burger

新開張近三個月的食店SJ Burger主打較貴價的食物,吸引到周圍的上班族光顧。 

鹹食正餐首選一定是安格斯漢堡(單點$68 套餐連飲品及薯條$78),自家製漢堡好厚身,即叫即煎配上煮好的甜洋蔥,細食的話食半個都夠哂滿足。女仔切開一半食會較方便,提提大家趁熱食先可以保存最多肉汁~

薯條即叫即炸,黑松露薯條(單點$25,套餐轉配加$8)香味十足,黑松露醬香濃,抵食!

最吸引的是脆脆華田心太軟($30),流心餡料及蛋糕都加入了Oreo脆脆,口感豐富。一切開餡料就流出,朱古力味香濃,味道偏甜,朱古力迷記得試試~

甜食控可以點最近大熱的原味梳乎厘班戟拼雪糕($28),先將梳乎厘放入焗爐焗8-10分鐘,再輕煎面層,與其他店的梳乎厘製法有點不同。梳乎厘四邊微脆,口感軟綿綿,空氣感不算太重,不過蛋香味就相當濃郁。

鍾意飲咖啡的朋友,可以試試期間限定的朱古力咖啡味梳乎厘班戟($35),咖啡味頗重但不怕苦。

 

地址:荃灣鱟地坊80-84號華成樓B座地下B4號舖

 

第 4 站 Gogi三嚿肉

小店由韓國人主理,店內所有食品即叫即製,食品主要配搭以韓式烤肉,包括豬、牛、雞肉,再配上美式食物,充滿美國街頭風味。

韓式牛肉漢堡(單點$48),自家製漢堡煎完兩面後,再以火槍輕燒,保留肉汁。雞蛋加入洋蔥、青椒及紅椒,燒烤醬味道濃,平時不食青、紅椒的朋友相信亦可以接受。漢堡扒厚身有肉汁,啖啖肉好滿足!當中夾有不少生菜絲,中和了肉類的膩感。

烤牛肉芝士法包(單點$58),法包塗上牛油,煎至微脆,以烤肉作餡料,淋上煮溶的芝士。熱食味道濃郁,不過就較為飽滯,稍涼後頗為油膩。

烤雞肉墨西哥餅(單點$48),烤熱的墨西哥餅中間夾有芝士、雞肉、洋蔥及青紅椒,十分惹味,共切成4塊,兩人分享剛剛好,推薦!

烤雞肉沙律卷(單點$48),清新口感,蔬菜份量多之餘亦有不少肉,一條夠哂飽肚,攤涼也可以食,買回家當晚餐是不錯的選擇。

烤牛脆薯條(單點$38),濃郁芝士及啖啖牛肉,配上新鮮即炸薯條,十分足料,夠3-4人享用!

一口燒牛配墨西哥脆栗米片(單點$19),Taco細細件不過有好多餡料,抵食!

另外,任何食品加$15可配飲品及薯條。

 

地址: 荃灣青山公路277-287號運通洋樓地下B號舖

 

第 5 站 3兄弟

3兄弟位於地皇美食廣場,推介即製玉子燒,有7款不同口味,如紫菜,芝士、明太子、黑松露等。

櫻花蝦玉子燒($28)鋪上滿滿的柴魚片,蛋卷厚身多汁。

手撕雞腸粉($28),熱辣辣腸粉鋪上手撕雞,加上香滑麻醬、甜醬和芝麻,雞絲份量算多,但腸粉偏厚,層次不分明,口感較差。

 

地址:荃灣大河道18號地皇廣場1樓大食王美食廣場6號舖

第 6 站 茹素人家

小店主打無煎炸煮法,使用無油煎炸熱流鍋,健康煮出油炸食物。

沙嗲素串燒拼麥樂雞/香檸魚柳(下午茶$36)串燒蘸上沙嗲醬汁,濃郁又惹味,油膩度較低!素麥樂雞質地與雞肉相若,魚柳塊則有淡淡的檸檬香味。

香草素雞脾拼素魷魚圈(下午茶$36),素雞脾以腐皮製成,配搭酸辣醬,夠香口。

下午茶時間由2:30pm開始至5:30pm,所有套餐會包一碗湯或熱飲。

 

地址: 荃灣大河道18號地皇廣場1樓

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓