碗仔翅、車仔麵、豬潤麵都是不少香港人的至愛,不單只冰室、茶記可以歎到港式小食,亦有好多以懷舊作主題的餐廳,充滿港式情懷的裝橫,彷如重回舊時香港,勾起好多回憶。由街頭小食至車仔麵,還有好受歡迎的大排檔等,好多選擇!今次為大家精選港九新界7間懷舊港式食店,唔知大家又食過未呢,趁周末同朋友去歎港式懷舊小食啦。
第 1 站 港式風味咕咾肉小食店 自家製涼茶啤
最近尖沙咀一間充滿港式風味的咕咾肉小食店,有多款選擇特色醬汁選擇,另外還有刈包、小食及甜品提供。最特別的是有三款自家製的涼茶,還特意噴上白色泡沫,造型好似杯啤酒。
「咕咾」Goolo
地址:尖沙咀柯士甸路15號金巴利大廈B座地下C鋪
營業時間:星期一至日下午12時至凌晨12時
電話:3460 2328
第 2 站 懷舊主題車仔麵 自家製麻辣汁湯底
大埔這間新開的車仔麵店裝橫走懷舊風格,全部都是老闆精心設計,彷如重回舊時香港。店鋪推介招牌自家製麻辣汁湯底,味道香麻特別。還有必試招牌小食的麻辣豬手,辣得好惹味。不食辣得朋友就可以試下濃郁的鮮製蕃茄湯底。兩餸菜配招牌自家製麻辣汁湯底($30),皇牌招牌鮮製蕃茄湯底車仔麵($38),價錢方面都算抵~
「三不館」車仔麵
地址:大埔廣福道88號地下
營業時間:星期一至日上午11時至晚上9時
即睇全文介紹
第 3 站 女人街食飯公司 懷舊港式樓上大排檔
旺角新開餐廳「女人街食飯公司」,懷舊香港主題的舊式大排檔裝潢,好有氣氛。餐廳有多款大排檔必點小菜,有街頭滷水、一口臭豆腐、蝦多士等,充滿香港特色。
女人街食飯公司
地址: 旺角通菜街1A-1L威達商業大廈1樓B室
營業時間:星期一至日上午11時至下午4時半;晚上6時至11時
電話:2685 1618
即睇全文介紹
第 4 站 老友記 懷舊港式小食店
而這間懷舊港式小食店在上環剛開業幾星期,店舖有個角落還原以前舊式公屋模樣讓人拍照,還擺放許多充滿回憶的舊物。另外,店鋪只要售賣幾款懷舊港式小食,有自家製的足料碗仔翅,即包即蒸的燒賣等。由於所有食物都即叫即製,所以想食就要耐心等候啦,或者先打電話預定啦~
老友記
地址:中環蘇豪華賢坊東 17號地下
電話:6189 6898
第 5 站 「大和堂」咖啡店 活化老字號中藥行
擁有86年歷史的「大和堂蔘茸行」改裝成一間懷舊咖啡店,依舊保留藥行的百子櫃、牌匾、長櫈等,連門外的舊式鐵閘及大字牌匾都有,很有歷史價值。咖啡店推出伯爵茶鮮奶咖啡、「啡走」等特式飲品及小食,讓客人歎下咖啡。
「大和堂」咖啡店
地址:九龍城衙前塱道24號地舖
營業時間:星期二至五上午8時至晚上6時;星期六至日上午9時至晚上6時
電話:2623 2006
第 6 站 港嘢茶檔 佈滿舊式招牌
位於九龍城這間以昔日香港做主題的茶記「港嘢茶檔」,室內佈滿不同舊式招牌,仲可以見到特色霓紅燈招牌,充滿懷舊氣氛。食物方面,心水推介鹹牛肉滑蛋三文治($48),滑蛋入口香滑,葱花味突出。另外仲食到茶檔豬潤出前一丁常餐($58),豬潤厚身大片,再配埋蒜蓉多士條及黑松露滑蛋。以後又多一間特色茶記歎下午茶啦~
港嘢茶檔
地址:九龍城侯王道22號地鋪
營業時間:星期一至日上午7時至晚上6時半
電話:23821538
第 7 站 石屋咖啡冰室 懷舊珍藏裝飾
同樣位於九龍城的「石屋家園」經過重新活化後裏面有一間充滿香港情懷的石屋咖啡冰室,走進餐廳裏面掛滿懷舊裝飾,地板上可見舊時的花紋方磚,而牆上還掛有舊式搪瓷大花碟。另外,冰室還設有露天座位,環境舒適。冰室上層亦有展覽參觀,可見舊時寮屋區擺設、用品,還特別放置幾款舊式兒時玩具,有波子棋、鬥獸棋、七巧板等,充滿童年回憶~
石屋咖啡冰室
地址:九龍城聯合道133號石屋家園
營業時間:星期二至日上午8時至晚上6時(逢星期一休息)
電話:23250131