又到農曆新年！無論係派利是定收利是相信大家都想要一個有特色又靚的利是封，除了傳統或者卡通款式的利是封之外，今次就為大家介紹幾款創意搞笑利是封，例如有港式流行潮語、用上「諧音」或玩食字設計的款式，夠晒獨特，今年一於搞搞新意思，唔怕撞款之外，派利是都派得開心啲啦！
圖片來源：PINKOI
第 1 站 「豬」你新年快樂插畫利是 $40.5／10個
今年係豬年，當然唔少得豬仔啦！以下這一款「豬」你新年快樂插畫利是封一共有兩款，第一款正面畫有一隻豬仔同熊仔，好開心咁同你講「豬」你新年快樂，背面就寫住「吃飽飽、睡飽飽、賺飽飽」。第二款就有一隻懶瞓豬和豬錢罌，祝大家新一年可以食好瞓好～
第 2 站 花開富貴新年禮包套裝 小春聯+利是封$81.9／27個
唔鍾意卡通公仔的朋友可以考慮這一款印滿水彩花卉圖案設計的利是封，每個利是封都用上不同花朵設計，顏色鮮艷搶眼！
第 3 站 「蛋定人生」利是封 $21.5／6個
搞怪角色「蛋定人生」的產品一向受歡迎，臨近農曆新年就推出了3款利是封，最搞笑係其中兩款上面寫住「恭喜發財 紅包拿來」同「擋點郎（借點錢）來花花」，話唔定可以試下遞給長輩暗示要佢哋封利是～三款圖案一包入面各兩個，總共6個。
第 5 站 諸事大吉 (豬柿大桔) 可愛燙金利是 3入裝$16.9/6入裝$28.5
第 6 站 那星賀年套裝 利是封+貼紙+揮春 $88
相信唔少香港人聽到「我真係恭喜你呀」都會覺得好有親切感！本土設計館「丟那星」就推出了一款印有「我真係恭喜你呀」的利是封。除了利是封外仲有揮春貼紙，揮春貼紙就寫住「小人退散之 人人有腦用」，好有香港特色～
第 7 站 U-PICK原品生活 詞語新年燙金利是 $11.2
利是封一共有8款，每款都大大隻字印有一個祝福詞語，包括吃好、喝好、給力、旺來、有錢、任性、呵呵、桃花。不同款可以派給唔同人，係一個不錯的選擇～
第 8 站 2019豬年創意代幣 豬年生肖紙幣書籤 $34.5
這一間店舖每年都會設計生肖紙幣，今年一共有5款不同的幣值，每款都以廣東話幫豬仔起名。係利是封入面夾一張豬仔紙幣給朋友，惡搞朋友一流～
第 9 站 我真係恭喜你呀利是套裝 $50
「俊？邊到俊呀？」呢句對白係咪有聲呢？這一款利是套裝入面有4款設計，畫上了香港人十分熟悉的名人名句，包括「大美人」、「金將軍」、「周星星」及「28座阿進」，每款5個，一於送俾朋友恭喜下佢地啦。
第 10 站 郭公館春聯合集
新年除了要「身體健康」「學業進步」，仲想「中頭獎」、有「易瘦體質」、「爽爽過日子」！來自台灣的郭公館就設計了一系列簡單直接、生活化的揮春利是，按圖睇下有咩搞笑願景啦。
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
