【九龍城美食】九龍城5大特色餐廳推介 大和堂咖啡店/石屋咖啡冰室/港嘢茶檔

文: Toby Mok
2019.03.21

九龍城是美食集中地,好多人去九龍城都會食泰國菜,不過其實除了泰國菜之外,九龍城仲有好多特色餐廳,今次就為大家推介5大位於九龍城的餐廳,包括串燒屋、康熙冰室、港嘢茶檔等等,一齊睇吓每間九龍城餐廳有咩美食及詳細地址介紹。

第 1 站 大和堂咖啡店

大和堂咖啡店由擁有86年歷史的「大和堂蔘茸行」改裝而成,保留藥行的百子櫃、牌匾等,很有歷史價值,讓客人拍照留念。店舖主要售賣多款輕食同咖啡,招牌「雞蛋仔與雞」($108),港式雞蛋仔配炸雞,淋上了薑汁糖漿,好特別。另外,「大和堂」芝士辣肉醬熱狗配炸薯條,鋪滿車打芝士,好邪惡!($108)。另外仲有多款甜食同特色飲品,按下圖睇有咩食同價錢。 

地址:九龍城衙前塱道24號地舖

營業時間:星期一至五08:00 - 18:00;星期六至日09:00 - 19:00

即睇全文介紹

第 2 站 石屋咖啡冰室

石屋咖啡冰室掛滿懷舊裝飾,牆上掛有懷舊式搪瓷大花碟,亦保留了舊時的花紋方磚。冰室還設有露天座位,環境舒適。可以歎個早餐,再參觀下冰室上層的展覽,有舊時寮屋區擺設、用品。另外,特別放置幾款舊式兒時玩具,有波子棋、鬥獸棋、七巧板等,尋回童年回憶。

地址:九龍城聯合道133號石屋家園

營業時間:星期二至日 08:00 - 18:00;星期一休息

即睇全文介紹

第 3 站 串燒屋

串燒屋為串燒放題店推出2.5小時串燒放題,可以任食超過三十款肉類串燒,仲有丸類、蔬果等。得意之處在於每枱都有一部燒烤自轉機,將串燒放上去就會自轉燒烤,不用自己動手反轉燒,夠晒方便。店內提供牛肉、豬肉、海鮮,仲有加拿大多春魚、北海道熟帆立貝等,食材新鮮。除此之外仲會有仲供應多款炸物,包括榴槤流心波波、吉列墨魚角、炸生蠔等,按下圖睇有咩食。

價錢:星期一至五17:00-19:00 大人$188 小童$98;星期一至五19:00-21:30 大人$238 小童138

地址: 九龍城太子道西448號太子匯地下9至10號舖

營業時間:今日營業17:30 - 02:00;星期一至日17:30 - 02:00

第 4 站 康熙冰室

康熙冰室主打手工製作湯麵,麵條由老闆以自己的配方手造,由店內麵機即製,非常新鮮,每日限量發售,而湯底亦是以新鮮水果蔬菜熬製,絕對無添加,招牌菜有台灣紅燒牛肉湯麵 台灣京蔥牛肉餃子湯麵 櫻花蝦韮菜雞肉餃子湯麵 台式雞蛋蔥油餅等等,當然仲有其他食品啦,按下圖睇有咩食物同價錢。

地址:九龍城亞皆老街147M號九龍城法院大樓2樓
營業時間:星期一至五 07:00 - 17:00 ;星期六日休息
即睇全文介紹

第 5 站 港嘢茶檔

九龍城還有另一間懷舊主題的茶記,室內怖滿密麻麻的舊式招牌,仲有「茶記」霓紅燈招牌,裝修好有心思,充滿昔日香港感覺。心水推介鹹牛肉滑蛋三文治,滑蛋入口香滑,葱花味突出。另外仲食到茶檔豬潤出前一丁常餐,配蒜蓉多士條及黑松露滑蛋,來這裏歎個下午茶都是個不錯的選擇,按圖睇價錢。

地址:九龍城侯王道22號地鋪

營業時間:星期一至日上午7時至晚上6時半

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓