小新點心搞鬼登場！震騰騰Pat Pat最搶鏡
搞鬼百厭的蠟筆小新，與創意多多的新派點心店点心代表合作，期間限定多款的點心美食。點心不但印上小新搞鬼樣子，更有小新一眾好友、媽媽美冴及爸爸廣志登場，抵死又可愛，小新粉絲千萬不可錯過。
招牌大象朱古力流沙包$49，印上小新pat pat及何B仔的樣子，原粒朱古力加炒香鹹蛋黃的流沙，掰開朱古力流心立即流出，朱古力味香濃，非常過癮。
小新最愛的卡通豬仔，不理不理左衛門奶黃流沙包$49，可愛豬頭的造型，用筷子篤穿豬鼻，流出好立克鹹蛋黃流沙，如鼻涕般，玩味十足。
小新及小白松子百杯餃$49及三兄弟鮮蝦餃$49，印上小新好友及寵物小白的樣子，包着原隻鮮蝦、鮮百合及松子，足料新鮮，口感豐富。
還有即叫即做的蝦餃海鮮腸粉$49，睡惺惺的小新被印上被子的腸粉蓋着，包着鮮蝦、帶子和蟹柳。想食便要恨心吵醒小新了。
甜品當然不少得，震震屁股奶凍$39，用了用香濃的北海道3.6牛乳加上日本魚膠粉製成，不但奶香十足，光滑震騰騰的屁股，真惹人打幾下。
除了奶凍，還有用鮮西瓜肉做成的西瓜糕$35、情人蛋撻$35、小新椰皇燉奶$59及小新桃味特飲$39等。
喜歡beer一beer的朋友，可選爸爸泡沫啤酒$69，更有粉花色櫻花味的媽媽泡沫啤酒$69，影相呃like一流。
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
港生活人氣本地熱話
《U GO》請您睇《電影教場：驪歌》！
木村拓哉率領豪華陣容回歸👮♂️直擊風間公親最嚴苛試煉⚔️
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
假日好去處