便利店有售！ Häagen-Dazs期間限定花味雪糕

7-Eleven便利店有得賣Häagen-Dazs花味雪糕了！

日本Häagen-Dazs經常推出期間限定的雪糕，身在香港的我們飽受「有得睇，無得食」的痛苦。難得今次香港Häagen-Dazs適逢春季，推出兩款限定花味雪糕，又怎可以錯過呢！先前只限定於專門店發售，由2月15日起Häagen-Dazs花味杯裝雪糕將陸續登陸各7-Eleven分店！

每杯的建議零售價為$27.9，據負責人所講，試賣初期分店返貨量不多，而且不是間間分店都有。小編今日（2月15日）好幸運，行過藍田、油塘、鰂魚涌分店後，終於於尖沙咀K-11附近分店找到，睇睇味道如何：

玫瑰荔枝味

一入口就滲出有淡淡荔枝味，繼而是玫瑰的香味，味道十分夾！雖然找不到果肉的蹤影，但雪糕味道天然、清新，會encore！

杏桃薰衣草味

打開杯蓋已聞到濃郁的薰衣草味，配以微酸的果肉，有咬口。但略嫌薰衣草味蓋過果香，甚至像香薰，除非你本身很喜歡薰衣草的味道，否則...建議食玫瑰荔枝味。

下頁看：更多限定食品