【旺角美食】新開台式養生火鍋放題 龍蝦湯底任食澳洲和牛/美國牛肩/海鮮
最近旺角新開台式養生火鍋放題餐廳「牛膳」，提供六款特色養生鍋湯底，款款都好足料。放題可以任食美國牛肩、澳洲和牛，仲有新鮮海鮮及多達四十款火鍋配料。開業期間至十月，女士仲可享半價優惠。下次不妨約埋三五知己一齊去打邊爐啦！
新開台式養生火鍋提供六款養生鍋湯底選擇，包括養生人參花膠雞鍋、麻辣鍋、滋補烏雞鍋、白美人鍋、酸菜白玉鍋及招牌蕃茄龍蝦白蜆鍋。
招牌蕃茄龍蝦白蜆鍋，鍋內有半隻龍蝦同白蜆，湯底龍蝦味濃郁，不需再另加醬料。
另外亦可選擇鴛鴦鍋，其中人參花膠雞鍋及麻辣鍋同樣足料，都好吸引！
人參花膠雞鍋有助大補元氣，補脾益肺且津養血，補身之選。
任食養生鍋放題最平成人$218起，視乎牛肉級數，可以任食該級別或以下的牛肉。
放題提供四款牛肉任食，入門級精選美國牛肩($218)放題性價比高，比一般火鍋店平價肥牛高質，推薦！
特選美國牛肩($258)，口感分別不大，味道不錯但相對較不划算。
精選澳洲和牛($348)，肉質軟滑。
嚴選澳洲和牛($398)，牛肉味最重有咬口。
每枱會送台式蔬菜拼盤，包括水蓮、彩粟、黑秀菇等，平時比較少見。
水蓮只需滾30秒就食得，口感爽脆！
仲會送刺身拼盤一碟，魚生夠新鮮！
多款新鮮海鮮任食，包括海蝦、白蜆、扇貝、青口、烏賊等。
另外仲有多達四十款火鍋配料任食。
肉類方面除牛肉外，仲有美國精選雞肉、黑毛豬，內臟都有。
除了有魚皮餃及韮菜餃，仲有手打牛丸、手工豬肉滑、墨魚滑、蝦滑等。
蔬菜類方面有西洋菜、皇帝菜、芽菜等。
仲有平時火鍋店較少見的蟲草花、黑木耳，貫徹養生主題。
另外有淮山 、牛柏葉、鵝腸、竹笙等，任食配料款式頗多。
鵝腸十分爽口！
仲可以自己唧雪糕做飯後甜品，配料任加。
除了台式食品、汽水等，每枱都會附送自選養生花茶，6人以上就有2壺，有助消滯解膩。
餐廳環境敞，坐得舒服。開業期間至10月10日，女士仲可享半價優惠。
台式養生火鍋放題沒有設分段收費，均限時120分鐘。
價錢如下：
精選美國牛肩 成人$218/小童$148
特選美國牛肩 成人$258/小童$198
精選澳洲和牛 成人$348/小童$258
嚴選澳洲和牛 成人$398/小童$298
活動資訊
- 地址 旺角西洋菜南街168號3樓全層
- 人均消費$101 - $200
- 開放時間下午12時至3時、下午5時半至凌晨12點
- 電話35431109
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣本地熱話
↓【✨送您Poled HK消毒機/涼感墊✨】↓
>簡單登記領取<
↓【限時搶⚡】雙效抗敏牙膏↓
↓減輕酸軟不適、減少牙齦出血↓
U GO 本週好去處
