講起長沙灣的食肆，不難想到供應大排檔食品的「大中華」，近月有另一間「大」字頭食店開張，菜式大不同，主打日式定食。
新店「大丈夫」位於長沙灣福榮街，正正與大中華相鄰；店名取自日文「無問題」的諧音，意思是希望食客食得放心。
餐牌貴精不貴多，食品款式以定食為主，約有10款包括熟食和刺身丼。
熱食方面，推介招牌吉列豬扒定食（$98）。用上150g梅頭豬扒，不用鬆肉粉人手揼至肉塊軟腍。
豬扒炸到金黃鬆化但並不油膩，吉列粉漿亦不過厚；豬扒肉質軟嫩，肉味夠蘸少許豬扒醬已很惹味。
配上大量生椰菜絲，爽脆解膩，感覺上可以減去熱氣的感覺。
餐廳的鰻魚飯定食（$88）同樣受歡迎，熱騰騰的飯上鋪有半條肥厚鰻魚，魚肉軟滑只有極少軟化了的幼細魚骨。加上不少紫菜和蛋絲，單計鰻魚飯已頗足料。
而刺身丼定食方面，可選擇綜合7款魚生的海鮮丼定食（$128），甜蝦大大隻，其他刺身如帶子和吞拿魚肥美鮮甜。
各款定食都包含茶碗蒸/玉子燒、麵豉湯、自家製漬物，另配清新開胃的任食沙律，抵食！
定食整體質素不俗，任食沙律方面亦都加分，難怪開業短短數月已於區內薄有名氣，吸引不少食客幫襯。
【精選推介】
活動資訊
- 地址 長沙灣福榮街541號地下
- 人均消費$101 - $200
- 開放時間11:30am-3pm 及 6pm-10:30pm（逢星期六休息）
- 電話2338-0780
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
