好好味=餐餐都想食同一碟餸　每個仔女都一定經歷過媽媽8大狂想

媽媽總特別緊張仔女，關心手法層出不窮，但有時媽媽的創作力量同幻想真的會嚇你一跳！Youtuber FELLAS就用誇張方式拍出媽媽關心子女的情況，如與現實情況雷同，代表媽媽真係好關心你！ 

當你去剪頭髮時

相信唔少仔女每次剪完頭髮都會畀媽媽問：「咁就剪咗？」在媽媽眼中，如果花幾百蚊，頭髮無短返幾吋（剷青最好）就唔叫剪頭髮。

當阿囡著裙時

在思想傳統的媽媽眼中，阿囡穿的裙總比現實長度短幾吋，即使及膝裙望落都露出半對大脾。

當你不小心說「這個餸好好味」時

媽媽腦袋會自動將這句話翻譯成「我想每天都吃這個餸」，就算幾好味，天天吃也會吃膩呀…

當你已經吃飽時

媽媽總覺得子女「瘦到成碌竹」就算你已經飽到吃不下，媽媽仍然會夾菜到你碗內，直到胃再無一絲空隙。

當阿囡要出夜街時

聽到「出夜街」、「唱K」，媽媽腦裡已經飛過無數個電視劇常上現的夜蒲劇情喇。

當阿囡帶男友回家時

當阿囡帶男朋友回家，兩人匿入房時，愛擔心的媽媽總會借東借西敲門，就怕囡囡「蝕底」！

當你回家吃飯時

在外居住或是住Hall的子女回家時媽媽就會花盡心機心力炮製「九大簋」，碟碟都是仔囡最愛吃的菜色。

當你不回家吃飯時

一切回復正常，長居在家的家人繼續過兩餸一湯的生活，想要滿漢大餐就要再等到子女回家時才能享受。 

雖然媽媽的幻想世界有時過份誇張，但每句操心都是關懷愛錫的表現。

完整片段：

來源：FB@Fellas授權轉載