坤哥，一個努力的最好例子

文：藍橘子

初時認識坤哥是在《超級巨聲》，頗喜歡佢柔情聲線，

但坤哥不屬於那種有明星臉，讓人一下子記入腦的類型。

後來得知簽約TVB，仲要在節目中扮棋…

換轉係好多人，肯定會在網上大吐苦水，一哭二鬧三上吊搏取人氣。

但坤哥無咁做，默默努力拍劇，又在網上唱好多cover，

最近聽到《陽光點的歌》、《原來她不夠愛我》兩首歌，好聽又入腦。

我諗好多人都漸漸記住坤哥把聲。

直到今日，我望住個電視，見住佢拿獎，喊到眼鏡都濕晒…

回想一下，原來坤哥呢幾年不斷喺我眼前出現…

佢默默努力五年，令到好多人由唔記得佢，變成認識佢、喜歡佢。

有人話TVB獎頒畀自己人係好正常，前幾年林峯都拿獎，有乜值得高興？！

你講得啱，但係對於坤哥黎講，扮棋時佢只能心心不忿，忍住眼淚，將之視為一個過程…

直至今日用返一個歌手身分，企喺台上面，因為拿獎而感動落淚，畀所有觀眾睇到，

所有嘢，都係坤哥靠自己努力換返黎。

無過程，又點會有結果？

無錯，付出努力未必一定會成功，仲有好多比坤哥更努力，但最後一樣徒勞無功。

但如果唔肯去努力，又憑乜去怨自己失敗？

相信坤哥將來日子係點，盡力，就無悔。

本篇圖文獲作者藍橘子授權刊登，未經准許，請勿轉載！

藍橘子Facebook：https://www.facebook.com/BlueGodZi/