韋家雄臉上神秘唇印！萬千星輝頒獎典禮5大蝦碌有趣位

2015萬千星輝頒獎典禮圓滿落幕，但整晚出現不少奇怪蝦碌位，一次重溫頒獎典禮5大另類看點！

>> 2015萬千星輝頒獎典禮 15個獎項足本名單

1.  公然賣廣告

頒完最佳經典劇集，鏡頭一轉見到汪呀姐拎手機影相，以為出錯之際，Do姐忽然出現話請大家食晚餐，說罷即有同事拿出三大盤KFC食物，一眾小生花旦於鏡頭前食雞，賣廣告賣出面！

2.  吳若希疑似寸阿姐
吳若希憑《武則天》的插曲《眼淚的秘密》壓倒得到汪呀姐奪得「最受歡迎劇集歌曲」，上台致辭時仲話︰「覺得呢個獎係要經過那些年或者一顆不變的心。」暗寸汪阿姐同鍾嘉欣喎！？

3.  家燕姐登基

於頒視帝視后前，王祖藍讀出網民心聲過場，最大笑點是引述網民留言指家燕姐當晚「黃袍加身」，簡直好似登基大典一樣，仲話好想同家燕姐瘋狂跳十字步，家燕姐都答得好大體，令整個留言變得更有畫面！

4.  鍾嘉欣：「師奶MADAM！」

也許因為失落視后，鍾嘉欣擔任視帝頒獎嘉賓時明顯心不在焉，田蕊妮問鍾嘉欣點睇張繼聰的表現時，嘉欣BB答：「我都無睇《梟雄》！」，胡定欣及田蕊妮即時指正嗌《師奶MADAM》，但其實3個都錯，張繼聰憑《收規華》入圍，瘀爆！

>> 另看: 田蕊妮頒獎禮表現惹爭議　網友狠批態度囂張

5.  神秘的唇印

《梟雄》獲最佳劇集「最佳劇集」，一大眾演員走到台前慶祝，竟然影到出爐「最佳男配角」韋家雄面上出現神秘唇印，究竟係邊位花旦嘅呢？

 

以上圖片及資料來源：mytv