瑜伽中心被爆拖糧等結業？負責人認負債千萬 仲理直氣壯咁講...！網友怒轟：出糧係僱主嘅責任

知名瑜伽中心傳財困 負責人神隱零回應？

據指，涉事瑜伽中心於2003年成立，開業超過20年，創辦人Dickson是「香港瑜伽協會」及「中國瑜伽聯盟」的創會主席兼總教練，過往曾出書教瑜伽、公開接受媒體訪問。

不過，近日瑜伽中心似乎陷入嚴重財務危機，傳出拖欠導師薪金、學員難以預約課堂，多間分店因欠租問題相繼關閉。但負責人Dickson卻採取拖延戰術，遲遲未有作出正面回應。

分店輪住執？導師爆料：瑜伽中心「實體舖無晒」

節目組訪問了瑜伽中心導師阿仁（化名）和學員琳琳（化名），揭露中心經營混亂的內幕。導師阿仁指出，近年瑜伽中心分店接連關閉，據他所知，目前已經沒有任何實體店舖。

+3

+2

點擊圖片放大

學員呻難以預約課堂

學員琳琳（化名）則表示，指早前預繳了100小時的私人瑜伽課程，但至今只上了7至8小時的課程，難以預約課堂。即使成功預約，每次上課亦常常延誤，令她十分不滿。

唔單止長期拖糧 仲試過呃「保就業」資助？

導師阿仁表示中心長期拖糧，平均每個員工都被拖欠4萬多。他同時爆料，指中心曾在疫情期間為了申請政府「保就業」補貼，要求員工統一口徑、配合「夾口供」。

+3

+2

點擊圖片放大

導師阿仁表示：「之前搞得好地地，而家搞到咁樣，又拖糧、又有唔同手法去營運呢間公司，有資金去搬舖但又繼續拖糧，真係非常失望」。此外，中心在財務危機下仍積極招生，甚至在招聘平台刊登廣告請全職導師，阿仁擔心長此下去會有更多人或受騙。

負責人突現身 慘呻2大財困原因

節目播出前，《一線搜查》記者曾到Dickson的臨時上課場地，希望與他對話，但對方拒絕正面回應，甚至有學員出面協助掩護。當記者嘗試以電話聯繫Dickson時，他即時否認身份，並將電話轉交一名女士代答：「呢個電話冇呢個人喎、唔清楚喎、佢好似唔喺香港喎」。

豈料影片曝光後，一直迴避傳媒訪問的Dickson竟然主動聯繫節目組，坦承自己負債累累、所欠金額高達逾千萬港元。他自言「一肚委屈」，並將財務危機歸咎於兩大社會因素？

Dickson說：「你哋報道講得好啱，但唔止咁少，我哋唔止欠緊500萬，係欠緊過千萬都有！」

▼負責人現身慘呻2大財困原因▼

+2

點擊圖片放大

親揭神隱拒見記者原因：忍辱負重

當被問到之前為何多次拒絕媒體訪問時，Dickson解釋當時想接受訪問，但被其他導師及徒弟勸阻，「當時我好想出嚟講㗎，因為我想澄清，我裡面有好多委屈，我都想講，但冇辦法啦，要忍辱負重先，要忍住。」

負責人承認指控：我哋表面上係無良僱主

對於導師及學員的指控，並未否認，Dickson坦言：「佢哋講嘅嘢，表面係事實嚟嘅，我都冇乜嘢可以話佢哋唔啱」。不過他強調，財困並非管理不善所致，而是受到外在社會環境影響（即 2019年社會運動以及隨後疫情），才會導致生意大差，短短數年間已累積逾千萬港元債務，更形容現在狀況為「迫住要賣淫維生」。

Dickson說：「裡面有好多社會問題，呢件事係一個孽嚟㗎，我要承受。因為咁多負面新聞（指控）我哋咁咁咁，因為我哋喺表面上係無良僱主，但內裡冇人知我哋嘅來龍去脈」。

節目中，Dickson一再強調瑜伽中心不會輕易結業，希望可以盡快轉型、開設規模較小的新店，他表示：「辦法總比困難多，我哋唔係想攬炒，想搞返好件事」。同時，他亦作出控訴，指目前有6名導師已入稟法院追討欠薪，直言「佢哋唔畀機會我」，更一度批評這些導師是「負面貴人」。

網民怒轟：賴得就賴

影片一出，隨即引起極大關注，網民反應兩極。但大部分網民狠批Dickson滿口歪理、推卸責任，直斥他根本是「賴得就賴」。有網民則認為他拖欠員工薪金已屬事實，無論原因如何都無可辯解，「出糧係僱主責任，僱員冇義務同你共渡時艱」、「欠糧係事實，就預左比人告，咩表面唔表面？」、「都2025年啦大佬，仲賴疫情...」。不少人質疑他刻意利用訪問為自己「平反」兼做免費宣傳，批評他自認是受害者卻從不交代政府津貼去向。

▼網民留言▼

+9

+8

點擊圖片放大

部分港人表示同情：捱暴動捱疫情邊咁易

有港人表示理解其經營困難之處，「你哋班記者講就無敵，真正做生意捱暴動捱疫情邊咁易」、「做生意嘅，經歷過暴動加疫情，真係唔容易撐得住」，又認為Dickson已經算是一名負責老闆，「佢起碼冇走佬，仲主動聯絡節目，肯交代，算係咁啦」。

▼網民留言▼

+4

+3

點擊圖片放大

來源：節目截圖