今個暑假Sanrio家族大曬冷,齊齊換上運動裝跑入屯門市廣場,由7月18日至8月31日於「Sanrio Characters塗氣競技場」同大家見面!商場特別以各種運動為主題,以水彩、蠟筆、油彩等一系列繪畫工具打造獨特風格的大型立體裝置,場內同時設有期間限定店,粉絲萬勿錯過!
Sanrio家族成員屆時將換上運動服等你去打卡影相:Hello Kitty、Bad Badtz Maru同Minna No Tabo (大口仔)跑步,Little Twin Stars化身韻律泳選手,Cinnamoroll於球場負責守龍門,Pompompurin (布甸狗)射箭,Kuromi跳高,懶到出汁的Gudetama (梳乎蛋)則於安坐於獎盃內等影合照,粉絲記得一次過野生捕獲Sanrio家族全員!
只要消費滿$100就可以參加投籃遊戲、泡泡足球等遊戲。
玩完集齊遊戲印花,更可以免費換領萌爆的Sanrio家族限量版Memo Pad。另外,顧客只需於商場以電子貨幣消費滿港幣指定金額,更可免費換領限量版 Sanrio Characters 精美防水袋或旅行萬用小包乙個!
同場亦有期間限定店,Fans亦可帶Sanrio家族番屋企。
下頁:睇埋暑假仲有咩玩!One Piece水上嘉年華、荔園...