【旺角美食】旺角超抵食$30水門海南雞飯 泰式軟腍豬手飯/$18香甜芒果糯米飯

2020.12.20

疫情搞到市道持續低迷,想省錢的朋友想食得便宜又好味?今次介紹旺角近來新開的平民食堂「曼谷水門海南雞飯」。新開業的「曼谷水門海南雞飯」餐牌雖然只有4款菜式選擇,但都吸引了不少食客慕名而來,原因是食物做得不馬虎之餘,價錢更十分便宜,水門海南雞飯和泰式豬手飯每份僅需$30,簡直平絕旺角同類型食店啊。即刻睇下有咩好食啦!

只需$30的水門海南雞飯,價錢便宜,但製作卻一點都不馬虎!選用肥美肉嫩的三黃雞,再用上加入香茅、斑蘭葉和檸檬葉等香料的湯汁熬煮一個小時以上,風味十足。一上枱已經聞到濃郁的香茅味,雞件嫩滑不嚡口,米飯粒粒分明,充滿油香。配上特調泰式醬汁一同食用更加惹味。

油飯同樣煮得講究,加入香茅和斑蘭葉等香料一同炒香,最後再用雞湯煮成惹味油飯。

而小店另一款主食「泰式豬手飯」($30)都一樣受歡迎!豬手用了自家泰式滷水醬汁浸2小時以上,滷汁入味之餘,肉質軟腍。飯底同樣用上油飯。

芒果糯米飯($18),份量雖小,但很適合作飯後甜品。芒果數片,味道頗清甜。用上2種糯米飯,更加有嚼感。淋上香濃椰奶汁,食落好滋味。

開胃小食選擇有青木瓜沙律($12),辣度十足!

整體份量不多,但以這個價錢來說,簡直平絕同類型食店。而且小店設有堂食,地方尚算寬敞。想省錢又食得好味的朋友不要錯過啦。

活動資訊

  • 開放時間星期一至日 12nn-10pm
  • 電話9875 8389
  • 人均消費$50或以下
  • 地點 旺角通菜街1A-1L號威達商業大廈地下M號舖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓「U Lifestyle App限時搶」↓

↓逢星期三3PM入App搶!↓

↓逢星期三3PM入App搶!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章