玩盡40個品牌攤位!百佳玩轉嘉年華 必影必玩必買推介

2021.03.18

去嘉年華,梗係要打卡、玩遊戲、贏獎品,買紀念品啦!百佳超級市場旗下25間分店變成「Oishī Su-pa-」,密密為大家送上驚喜!呢排仲喺店內大搞「玩轉嘉年華」,聯同40個品牌精心打造唔同類型嘅攤位,俾你瘋狂玩、瘋狂買,密密打卡、玩遊戲、換限量禮物!即睇我哋推介攤位!

必影必玩必買攻略

今次「百佳玩轉嘉年華」有成40個攤位,每個都有唔同玩法,無論鍾意打卡、玩Game、shopping,或者儲限量禮品都實啱玩!即睇我哋為你準備嘅攻略,再去勻咁多個checkpoints啦!

【打卡之選】

可口可樂
打卡度:★★★★★
抵買度:★★★★

日期及店舖:3月20至21日、3月27至28日、4月3至4日(東涌東薈城TASTE)

嘉年華入面必到打卡攤位,非東薈城TASTE「可口可樂至夾FUN FUN 嘉年華」攤位莫屬!巨型可口可樂火車頭同埋哈哈鏡,組成打卡小天地!仲有得抽可口可樂限定禮物,十足開Party咁!

可樂迷必影!獨一無二嘅「可口可樂號」火車頭,除咗有經典紅白雙色、仲有可樂標誌同小燈,夠晒懷舊feel,立即飛身霸靚位打卡先!

嘩!係真人size夾公仔機呀~ 平時夾公仔就玩得多,今次輪到變身夾公仔機入面嘅獎品!前面巨型汽水罐上面,仲有操控按鈕,咁逼真嘅造型,點可以錯過呢個打卡位!?

仲有大人細路都鍾意嘅哈哈鏡,幫你一秒改變身形!影番張相放上網,睇吓朋友仲認唔認得自己!

驚喜陸續有嚟!即日起至4月4日,喺攤位見到有推廣員在場,就有機會贏禮物!只要買指定迷你罐裝汽水6罐裝兩排,憑收據即可參與扭蛋一次,贏禮物(名額每日100份)!

禮物包括可口可樂限量版零食碗、冷暖兩用保溫袋同枝裝汽水,可口可樂Fans必儲!

現場只要完成簡單任務,即送你500毫升裝可口可樂一支(限量每日240支)!打完卡仲有嘢飲,正!

【好玩推介】

少爺啤酒廠
好玩度:★★★★★
抵買度:★★★★

日期及店舖:3月19至25日(香港仔中心百佳)、3月26日至4月1日(大埔超級城FUSION)、4月2至8日(灣仔合和中心TASTE)

來到本地手工啤品牌少爺啤嘅攤位,梗係要試吓充滿玩味嘅特色手工啤:兩款得獎啤酒鹹檸啤、「正」IPA,以及限量版Dad Bod番石榴啤及玉露麻椒啤!你仲可以揀選自己嘅心水口味,而攤位職員會幫你即斟即封罐,之後更可以喺啤酒Label上寫自己個名,自家專屬限量手工啤就大功告成喇!推廣期內,攤位仲有買2罐送少爺啤襟章、買4送1等優惠,啤迷快去報到!

現場即斟即封罐!喺屋企煲劇打機都有新鮮手工啤飲喇,鍾意飲生啤嘅你唔好錯過!(500毫升裝 HK$45/罐)

喺標籤上寫個大名,呢款世上獨一無二嘅超限量版手工啤立即誕生!買2罐仲送你少爺啤襟章,買多罐送畀老友都唔錯呀。

依家仲有獨家買四罐送一罐優惠,四款口味每款一罐就最啱!仲有剛剛新出一個月嘅玉露麻椒啤酒,鍾意試新嘢嘅你一定要試!

維他奶
好玩度:★★★★★
抵買度:★★★★

日期及店舖:3月19至21日(牛頭角淘大商場TASTE、屯門市廣場TASTE)、3月26至28日(灣仔新合和中心TASTE、東涌東薈城TASTE)、4月2至4日(將軍澳新都城二期百佳、東涌東薈城TASTE)

攤位化身成「維他奶植物奶CAFÉ」,會喺活動日期嘅指定時間請你免費試飲植物奶咖啡!呢杯咖啡係用咗專為咖啡而設嘅「維他奶嘅專業沖調用豆奶及燕麥奶」炮製,沖調出來嘅咖啡更香滑更夾,fit得嚟又夠滋味!

現場買「維他奶專業沖調用植物奶」,仲有優惠大放送!買任何一盒,即送「維他奶專業沖調用植物奶」$5優惠券一張;買兩盒就送兩張,另加Delifrance / Alfafa $50優惠券一張;如果買三盒,除咗有優惠券三張同Delifrance / Alfafa $50優惠券一張,再送你維他奶隨行杯一個,拎出街買咖啡啱晒,仲有香檳金色或酷黑色,兩隻色都咁型仔!

現場仲有贈品送,有興趣嘅朋友,可以向店員查詢活動同優惠詳情,記得贈品數量有限,送完即止,大家唔好錯過喇!

【抵價入貨】

EKSELENCE北歐雪糕
抵買度:★★★★★
必搶度:★★★★

日期及店舖:3月19至21日、26至28日(沙田第一城百佳、馬鞍山廣場TASTE、屯門市廣場TASTE、將軍澳新都城百佳、牛頭角淘大商場TASTE、黃埔花園 TASTE以及油塘大本型SU-PA-DE-PA-)

北歐雪糕品牌EKSELENCE,雪糕 / 雪糕批口味夠多元化,又有低糖低脂選擇,近年好受OL界推薦!推廣期內,只要嚟到EKSELENCE北歐雪糕嘉年華攤位買滿HK$99,就額外送一盒白朱古力x紅莓味脆皮雪糕批3枝裝(送完即止),勁抵買!

另外,北歐經典雪糕Pols、適合小朋友嘅Lakto以及零脂肪嘅雪葩雪條Shapetime亦設有現場特別優惠,快啲去睇下喇!

【大手送禮】

出前一丁 + 合味道
得獎率:★★★★★
抵買度:★★★★

出前一丁日期及店舖:3月19至25日(將軍澳新都城百佳)

合味道日期及店舖:3月19至25日(屯門市廣場TASTE、天水圍T Town North FUSION)

人見人愛嘅清仔會喺「清仔滋味樂園」等你!除咗有1比1高嘅清仔打卡位,仲有各大人氣出前一丁新品!而買任何出前一丁產品滿$30,就送你清仔便條紙1叠,買滿$60,仲有超限量清仔玻璃水瓶1個!數量有限,先到先得,換完即止㗎!

擁有Sharp醒巨型杯麵打卡位嘅合味道「男僕女僕合味道爭奪戰」攤位,都係禮品多多!現場買指定合味道產品滿$30,就送你合味道唱片造型杯墊1個;滿$80就送合味道帆布袋1個;滿$150嘅話仲有合味道保溫杯1個添!買唔夠指定金額都唔使灰,只要即場Like合味道嘅Facebook專頁,都會送你合味道便條紙1叠,正正子!留意全部禮品都係數量有限,送完即止呀!

BONNE MAMAN
得獎率:★★★★
抵買度:★★★★

日期及店舖:3月20至21日(馬鞍山廣場TASTE)、3月27至28日(天水圍嘉湖銀座百佳、沙田第一城百佳)

天然果醬品牌BONNE MAMAN,除咗係法國家傳戶曉嘅知名品牌,亦深受唔少星級酒店大廚喜愛!現凡買BONNE MAMAN 產品滿$30,並於攤位出示購物收據,即可得到一次玩有獎波子機遊戲機會!完成指定任務後有機會贏得限量版BONNE MAMAN精美圍裙甚或廚房用具1件!最Sweet嘅係,就算你未能完成任務,都會得到BONNE MAMAN士多啤梨果醬30克裝一樽做安慰獎!如果你係易賞錢VIP會員,仲可以額外得到多一次挑戰機會!

四洲甘大滋
得獎率:★★★★
抵買度:★★★★★

日期及店舖:3月19至21日、26至28日(沙田第一城百佳、天水圍嘉湖銀座百佳、沙田好運中心百佳、荃灣麗城花園百佳、東涌東薈城TASTE、屯門市廣場TASTE、荃灣綠楊新邨TASTE、青衣城TASTE、粉嶺名都FUSION、大埔超級城FUSION、將軍澳新都城百佳、將軍澳厚德邨百佳、黃埔花園TASTE、油塘大本型SU-PA-DE-PA-、香港仔中心百佳以及杏花邨超級廣場FUSION)

四洲攤位推出「震撼價」HK$10/包嘅甘大滋,零食控係時候掃貨!

Kinder健達
得獎率:★★★★
抵買度:★★★

日期及店舖:3月26至28日(天水圍嘉湖銀座百佳超級廣場、東涌東薈城TASTE、牛頭角淘大商場TASTE)

外表十足手機嘅Kinder健達攤位,介紹咗佢哋最新推出嘅Applaydu手機遊戲App,邀請你同小朋友一齊玩,訓練兒童各方面才能,未玩Game之前,齊齊影張相,走入充滿童真嘅世界啦!

info
百佳玩轉嘉年華
詳情:https://bit.ly/3eihaH5

 

資料由客戶提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】送您最新iPhone 14!↓

↓立即分享美食 贏走獎品!↓

↓立即分享美食 贏走獎品!↓

↓「U Lifestyle App限時搶」↓

↓逢星期三3PM入App搶!↓

↓逢星期三3PM入App搶!↓

評語

相關文章