TVB台慶劇《法證先鋒V》持續熱播中，最近劇情圍繞「龍飛鳳餃子鋪命案」，飾演蔡思貝媽媽的江欣燕，首次出演苦命媽媽的角色，直言是最辛苦的演出，這次挑戰情緒戲更演技大爆發，崩潰喊戲一Take過獲讚專業。
最新一集可說是江欣燕演技大爆發，飾演蔡思貝母親的她，劇中不但全程行動不便，更要飽受丈夫人間蒸發及失蹤等折磨，其中一幕在餃子店得悉失憶後的老公，已另覓愛人並展開新生活時，江欣燕將難以置信兼茫然地吃著餃子的含淚表情演得煞是感人。
談到角色，江欣燕坦言從未試過咁苦，一直渴望挑戰情緒戲的她，更由接獲劇本一刻已開始做定功課：「我畀咗自己好大壓力，好彩食住嘢喊嗰場嘅苦原來喺個腦已經溝通好晒，Take 1 Take 2已經搞掂。我自己都好開心，我諗我廿世加埋都冇咁苦。呢套戲係辛苦嘅，因為慘得太緊要，啲唔開心嘅情緒都有唔覺意降落咗喺我身上，好彩我都好快跳番出嚟。」
江欣燕又謂根據劇情，角色有不少難言之隱，為免演出時自打嘴巴，她專誠在劇本上做了手腳：「我將劇本剪晒出嚟黐好晒，因為件事好複雜，劇情前前後後會有啲唔同，有啲位我要講大話，又有啲會係觀眾以為嘅真相位，變相做演員自己要好清晰個劇本。」
►同場加映：【衝出嚟玩】海洋公園全新生態地質遊！探索港島南2大路線！出海近距離睇海蝕洞
除了慘情戲，原來江欣燕連行路方式也是做足功課：「當我知道角色有腳患，我第一時間問係左邊定右邊，因為角色嘅腳患有幾個階段，有啱啱車禍之後，有康復中，我有逐場去研究。呢種戲好難演，惟有係咁諗住自己隻腳有事。我都驚自己行行吓會唔記得咗要趷，但原來身體已經有慣性會就住度力。」
為了演好角色，江欣燕又刻意暫停減肥，目的是想保持「脹卜卜」以便拉遠和女兒蔡思貝的距離。談到蔡思貝，江欣燕對她讚不絕口，並笑指對方比想像中「擦得」：「估唔到佢睇得又做得，同埋你唔好睇佢咁瘦，原來佢成日請食嘢同食好多嘢。」
圖及來源：劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
