暑假將至，天氣愈來愈熱，烈日當空之下真係一秒都唔想喺室外停留，近何況係幾個鐘甚至幾日。近日就有網民喺社交平台發出貼文，指對面樓嘅天台有隻白色西摩犬長期被困住，喺太陽底下曝曬不特止，仲要戴住口罩，想飲啖水都難。鄰居於心不忍曾多番勸告，但狗主都冇理會，最後只能報警及搵愛護動物協會援助。
============
同場加映：
【家居達人】記者實測！8款市面消暑降溫用品 : 最新冷感頸環、冰凍噴霧、濕紙巾等 邊款最有效？最勁降2.6°C！
============
位於啟德發展區沐寧街1號嘅豪華住宅「天寰」，被鄰居發現自3月起，已經有隻白色西摩犬被放於天台，無論日曬雨淋都冇得入屋內，仲時不時聽到狗狗慘叫，懷疑被主人放養，非常可憐！鄰居亦有多番勸告及投訴，但未獲狗主理會。
狗主為不讓狗狗吠叫，更變本加厲為狗隻戴上口罩，大熱天時想抖啖氣、飲啖水都難啦！網民紛紛指狗主真係太唔人道，亦有人直斥：「咁過份，養嚟做咩！」相片中仲見到狗狗身處嘅位置相當狹窄，只得幾個階磚位，亦有欄杆鎖上，狗狗可以活動嘅空間少得可憐！
日前警方接到一個女子報案，指對面天台有隻狗狗，烈日當空下曝曬兼冇水飲，擔心其身體狀況，所以報警。警方聯同愛協人員到場，喺單位內搵到狗主，同時確定狗隻健康狀況良好，指狗隻可以進入狗屋內飲水，相信不涉虐畜，列誤會處理。愛協人員強烈建議及警告唔應將西摩犬長期放喺天台飼養，更唔應長時間為狗隻配戴口罩。最後狗主作出承諾，表示會長期開放進出天台嘅門，畀狗狗可以自由進出。
Text/ Bee
Source/ 貓貓狗狗保護及領養區(香港)群組@FB
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
