九龍城寨圍城|古天樂準備新戲角色要睇天氣報告? 突爆爛Gag主持1句圓場獲導演力讚

文: 李國樑
2024.03.12

九龍城寨圍城|「香港影視娛樂博覽2024」作為影壇年度盛事,每年都有不同的電影公司公佈年度全新電影項目,古天樂新戲《九龍城寨圍城》籌備八年,昨日(11日)一眾主演連同導演鄭保瑞上台分享角色感受,主持問到古天樂今次如何準備角色的時候,古天樂卻突然爆出爛Gag,幸主持仍能圓場,主持功力獲導演力讚,化解尷尬。

九龍城寨圍城|古天樂突爆爛Gag

「香港影視娛樂博覽2024」早前開幕,並於台上播出古天樂丶任賢齊丶林峰主演《九龍城寨圍城》的首條預告,其中以平頭裝的林峰與白色長髮造型的任賢齊成為焦點。而古天樂於現場亦不甘示弱,當主持問如何準備今次新作的角色「龍捲風」時,古天樂突然爆出爛Gag表示︰「睇多啲新聞報導丶天氣報導,睇吓啲龍捲風係點,係囉,都係咁囉。」惹得全場大笑,如此突然的爛Gag主持亦能承接,反問古天樂︰「咁所以個角色比較鍾意講爛Gag?」,一句圓場被導演鄭保瑞馬上回應︰「你中呀,你中啦。」化解這場尷尬。

九龍城寨圍城|劉俊謙丶張文傑丶林峯受訪 胡子彤大爆下巴縫完14針

劉俊謙丶張文傑丶林峯以及胡子彤及後接受訪問,大談拍攝難忘事,劉俊謙表示:「每日拍1617個鐘起跳,有一日連續打咗24個鐘,去到最尾見到天光嗰刻就嚟虛脫,但嗰種情義係幾好。」張文傑補充指:「由天黑拍到天黑再到天光,我哋個妝又係全身血,痛苦但拍得開心。」不過最為辛苦的絕對為胡子彤,表示︰「我下巴爆咗,縫咗14針。嗰時係拍攝最尾聲,縫咗針即刻返嚟拍,唔想影響大家進度。劇組照顧得我好好,因為拍攝現場好污糟,佢哋會即刻幫我整乾淨,多謝劇組。」相當敬業。

九龍城寨圍城|《九龍城寨圍城》由香港漫畫改編

《九龍城寨圍城》改編自余兒的港產漫畫《九龍城寨》,漫畫人氣甚高甚至連《古惑仔》的陳浩南亦曾出現。早前《九龍城寨圍城》已經公佈演員人選,古天樂將會飾演龍捲風,洪金寶飾演大老闆丶任賢齊飾滇狄秋丶林峰飾演陳洛軍丶劉俊謙飾演信一丶黃德斌飾演Tiger叔丶胡子彤飾演十二少以及張文傑飾演四仔。

同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓