伯伯徒步行紅隧？最近有市民行駛紅磡海底隧道時，驚見一名滿頭白髮老伯伯，隻身徒步走入隧道內，可謂險象環生，樓主拍下照片後放上網，豈料遭網民批評，認為伯伯疑似患有老人痴呆症，應報警處理，樓主在留言解釋自己曾加以協助。
日前（25日）有市民透過社交平台群組「馬路的事討論區」發帖，表示在紅隧內見到有一名白髮長者，留言「識行一定自己行過紅磡海底隧道過海啦」，並上傳2張伯伯行隧道的現場相片。
▼帖文▼
點擊圖片放大
從相中可見，當時車主正在紅磡海底隧道內行駛，驚見一名滿頭白髮，身穿長袖西裝外套、長褲的伯伯，正靠著隧道左手邊徙步行走，旁邊有大量車輛行駛，相當危險。
▼老伯行紅隧▼
點擊圖片放大
帖文引來大批網民討論，並有不少人批評樓主行為。有網民認為該名伯伯疑似患有老人痴呆症，或是失智長者，直斥「唔覺得好笑，似乎係腦病多啲喎」、「好心你報警處理，老人家有老人癡呆症，唔好淨係識影相擺上網」。另亦有網民認為，樓主留言口吻帶取笑意味，因而遭責斥。
▼網民咁講▼
有見及此，樓主留言解釋，「已盡力打咗電話去紅隧，可惜過咗海都冇人聽」，對於有網民建議應該報警協助，樓主表示，「正常紅隧應該監察系統，報完警阿伯都過咗海啦」，無奈指已盡力，認為「現今社會拍照放上網才是最快幫到人方法」。
▼樓主解釋▼
有網民表示，相信樓主是一片好心，只是留言口吻容易被誤會。不少人分享個人經驗，建議「呢啲狀況要畀佢上車」，又指最穩妥的做法還是報警處理較好，同時認為「幾間隧道公司都應該加設呢類應變指引」。
▼網民建議▼
資料及圖片來源：Facebook@馬路的事討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】小牧味屋酒鬼花生↓
↓ 原味、麻辣味｜睇波、煲劇、聚會必備↓
↓ 【U Jetso】亞洲素食展2025電子門票🌱！↓
↓ 逾6,000種最新素食+素生活產品💚逾80場精彩活動😍！ ↓
