現年27歲嘅落選港姐廖慧儀日前去睇最後一次喺大球場搞嘅七人欖球賽，玩得興起之際自爆疑似被淋尿液；而一向係「負評王」嘅係今次一張打卡美照都被網民狂插佢冇公德，睇嚟要儲番啲觀眾緣先可以更上一層樓喇！
廖慧儀日前參與咗一年一度嘅港女打卡盛事「香港國際七人欖球賽」，佢指自己第一次睇七欖係前年，當時正值係疫情控制措施之下，坐喺包廂都見到好多空位，而入場都係本地人多，終於今年去就熱鬧番好多，不過佢就自爆疑被淋尿液，留言：「全程一路睇，上面就一路一杯一杯啤酒咁車落嚟下面，仲無啦啦車咗舊Big Mac落嚟，個個好似中水彈咁成身濕晒（見到啲啤酒車到落嚟無起泡嘅都不想深究掉落嚟的是甚麼了。。🥲）」
同場加映： 中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
雖然係咁，但都無損佢雅興，仲大讚現場好氣氛，瘋狂同朋友影相打卡。相中見到廖慧儀着上品牌BRA TOP加瑜伽短褲配小手袋，手握一杯生啤，可以話係港女打卡教科書！不過佢其中一張相，因為企上凳擺pose而被網民插冇公德心，留言：「你都幾無家教！」、「凳係拎嚟坐唔係企上去打卡。」、「唔企又點影到對白滑長腿呃like？」
廖慧儀參選港姐時被封「狂野空姐」超吸晴，但之後佢被指撻着孔德賢，2020年因為前男友為自殺而被網民狂插，未開始紅就已經喺幕前消失咗一段時間，不過TVB並冇放棄佢，近日開始力捧，幾乎每個J2節目都見到佢身影，知名度大增！
廖慧儀前男友Sam 2020年墮樓身亡，Sam於備忘錄中留下了千字遺書，而內容全部都只跟廖慧儀有關。Sam的妹妹在訪問中，透露曾聯絡廖慧儀告知噩耗，自己亦曾嘗試過在IG私訊對方，但廖慧儀「已讀不回」，妹妹並表示在愛情很難分對錯，雖然唔係100%廖慧儀錯，但最大原因一定係佢。Sam在遺書中指痛失所愛：「不再在你生命中出現，一直在情緒崩潰不穩定的情況下，每天被惡夢驚醒，睡醒會出冷汗，心跳好快，心好痛，很多用好長時間心血付出的東西，原來都可以一下子就全部失消（消失），我已經覺得人生很累，不想再繼續落去。」
Sam續指自失去廖慧儀後，搵唔到生存理由，又指廖慧儀選港姐後，一切都變咗：「這也許就是你一直以來想要的知名度，受人注目的感覺，你一直想要的東西終於實現。你的世界眼界擴闊了很多，你的世界不再只有我一個。參選後短短一個月，發生了這麼多事，我失去了所有東西，就算在當時我有多失意，你也沒有覺得需要陪伴我渡過難關，相反，你瞞騙我、隱瞞我，在我最需要你的時候，你用無數個大話瞞住我跟另一個人出去，當你在做這些事時，你有否想過對我做成的心理打擊陰影會有多大？」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
