周潤發頭破血流反淡定安慰身邊人!發哥假戲真做意外受傷堅持完成戲份

文: 王庭芝
2019.03.07

周潤發(發哥)近日忙於拍攝新戲《驕陽歲月》,日前發哥在片場發生意外,劇情講述發哥被黃德斌追債,然後被襲擊,不過拍攝時意外變成假戲真做,頭破血流的發哥當時沒有叫停,直至完成整場戲份,事後工作人員才驚覺發哥受傷,令人不禁大讚他的專業態度。

完成該場戲拍攝時,發哥用手撳着頭頂,自行步出場景外坐低,工作人員才驚覺發哥左邊額側,有兩大條血路緩緩滲出,令現場氣氛緊張起來,然而負傷的發哥身經百戰,表現比眾人更加淡定,叫大家冷靜,不用擔心,又著人取清水洗傷口。而原本在片場外準備午飯的發嫂得悉發哥受傷消息,都即時問:「點解搞成咁?」但發哥立即連番安慰表示不嚴重,又叫人撥開頭髮,讓發嫂看看傷口。

由於傷口不小,導演潘耀明、監製黃斌及動作指導李忠志等人都勸發哥到醫院療傷,發哥才聽從大家意見,臨行前,發哥依然不停大家不用擔心,叫大家;「定啲,唔好驚」又跟導演説:「你先拍呢邊,我縫兩針返嚟繼續。」「淡淡定,有錢剩!」盡顯其幽默感兼起到穩定軍心作用。

經醫生檢查後,發哥頭上的傷口足足一吋長,為免受細菌感染,必須縫針處理,但發哥卻心繫電影,提出:「我仲要返現場繼續拍攝,又要連戲,不要剃頭髮可以嗎?」最終,醫生只為發哥剪了傷口附近最少範圍的頭髮,傷口縫上五針。

在醫院逗留約兩小時後,發哥立即趕返片場,吃了一餐「late lunch」,又立刻走向鏡頭前繼續埋位拍攝,之後他須要每日前往醫院消毒兼清洗傷口直至拆線。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【🎁送禮】Gourami夏日時尚游泳套裝🏊!↓

↓具備時尚感及功能性,適合四季穿搭! ↓

 ↓具備時尚感及功能性,適合四季穿搭!  ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓