藝人鄧麗欣(Stephy)今年憑電影《金都》有份角逐香港電影金像獎最佳女主角，回想前年首次入圍角逐影后，Stephy坦言當時只感突然，唔識反應，她認為今年能夠第二次獲提名才懂得認真感受提名的喜悅，而且是大家對她的肯定。
ViuTV一連七個星期日播出的新節目《金像女情》首位請來嘉賓鄧麗欣(Stephy)，她在節目中剖白從影以來的點滴，中學時代的Stephy在「全港校花校草選舉」奪冠，02年以女子組合Cookies成員身份出道，歌影兩棲同步發展。入行初年所接拍愛情片、喜劇類居多，談及早年與鄭中基合拍笑片《龍咁威2003》，她自言得著不少：「合作嘅一班人都好搞笑，大家為要我輕鬆d，經常撩我玩，撩我笑，從佢地身上我發現做演員要有energy，但當時我只係認真演，但我係一個冇energy嘅人！」
但說到Stephy的代表作，不得不提「阿寶」，昔日她接拍多部葉念琛執導的愛情片，6次飾演的角色都叫「阿寶」，Stephy說：「每個阿寶都有令人喜愛同令人討厭嘅地方，有啲太蠢，成日俾人呃；有啲太愛情為上；有啲太惡。」Stephy指《紀念日》中的「阿寶」較似自己：「當然我冇《紀念日》嘅阿寶咁惡！但就比較獨立啲！」
2018年，Stephy憑《空手道》獲香港電影評論學會最佳女演員獎，得是她人生首個電影獎項，同時她亦首次入圍金像獎最佳女主角提名，不過她對於首次提名的感受竟然不算深，而今年憑《金都》第二次獲提名，Stephy才懂得享受這份榮譽：「記得2018年第一次被提名時好突然， 唔識反應，今次第二次再被提名金像獎最佳女主角就識去感受喜悅，原來我唔係只係得幸運，大家都肯定我，很開心 ! 」
不經不覺 ，Stephy拍了40，50部電影，近年除了戲路上不斷尋求突破，她亦多揀選與新導演合作。「幾年前政府資助業界推出 『首部劇情電影計劃』，我拍了第一部《藍天白雲》，與新人合作，大家很熱血很有衝勁，而新晉導演給我好大衝激，我亦額外加把勁去演，而《金都》是我第二次接拍嘅『首部劇情電影計劃』電影，同樣給我很大衝激。」
過去，Stephy亦拍過多部女性電影，有人認為她是希望藉電影為女性發聲。「我沒有刻意要代表女性， 但我如果可以講出女性一些感受都係好事。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
