【東張西望】與黎耀祥拍《拳王》煞科接受訪問 賴慰玲感性爆發突然失控爆喊

早前在《萬千星輝頒獎典禮2020》奪得最佳女配角的賴慰玲,最近與視帝黎耀祥合作拍攝新劇《拳王》。劇集煞科當日,TVB節目《東張西望》亦有去探班。這場煞科戲主要拍攝黎耀祥落水救賴慰玲,賴慰玲更要穿樽領衫上演濕身一幕。

劇組送上一張爆肌照給黎耀祥,黎耀祥就表示監製好有心思,站在旁邊的賴慰玲亦表示「睇到嘩嘩聲」。主持黎寬怡問到黎耀祥有沒有什麼說話要對劇組講,黎耀祥就感謝劇組台前幕後的付出,又讚一班年輕演員相當用功。

之後黎寬怡將咪遞給賴慰玲,問她對劇組有什麼要講。賴慰玲就望向黎耀祥,令黎耀祥笑言「唔係同我講,你望住我做咩,同劇組講」。賴慰玲隨即表示「我諗起要同你講我想喊」,講完「我多謝祥哥」之後就即刻轉身背對黎耀祥及黎寬怡。黎耀祥似乎嚇了一跳,感到略微驚訝,忍不住問:「嘩 咩事」,隨後輕拍賴慰玲膊頭安撫她。

賴慰玲繼續多謝黎耀祥:「我覺得好似喺你身上重新再上一堂,我會再努力啲,祥哥」,之後更被滴下來的眼淚打斷發言要轉身抹眼淚

黎耀祥就指這個時刻確實令人感動因為大家真係一齊捱過好多個通宵又解釋指賴慰玲的戲比較沉重所以特別辛苦

賴慰玲一邊抹眼淚一邊講煞科感言,最後就笑言「好喇唔講咁多喇」。有網民就留言指賴慰玲最近變得感性。

來源:《東張西望》

下一頁

立刻訂閱Telegram優惠頻道:

評語

獨家優惠

輕掃查看其他優惠