比女友裕美更投契!林作遇上七仙羽被網民讚天作之合 七師傅主動送上愛的抱抱:師傅愛你

2021.03.16

林作與七仙羽齊齊上ViuTV節目《克服他她它》,因為兩人都是話題人物,經常被網民睇唔順眼而留言鬧爆,主持人火火就請他們在現場睇網民負評,學識面對網民的惡意攻擊。林作與七仙羽兩人首次見面,但卻有意想不到的節目效果。

七師傅最初睇到網民的留言,被指講嘢似足譚仔阿姐,她聽不明白。而林作後來出場後,兩人的互動馬上好有火花。林作一開口就話:「我就最鍾意人哋插嘅,我覺得愈插我就愈好!」七師傅就問:「咁我可唔可以都插你?」林作表示歡迎、隨便,七師傅有嗰句講個句:「我覺得網民鬧你嘅嘢有啲係啱嘅!我覺得人應該要真,我都係好真,不過如果你話我好有錢、好巴閉,就唔使自己講㗎!」

當兩人要睇網民的負評時,七師傅再次講出驚人的言論,自言了解林作的內心世界,直指對方:「佢內心係好孤獨」更自認是林作的代言人,話:「我好了解林作,大家唔了解林作嘅話,問我,我比佢仲了解佢!」林作聽完當堂都趴枱狂笑,七師傅都仲要繼續講:「因為由佢自細點樣長大、喺咩環境下長大、內心嘅經歷、情況,我全部都了解!」最後七師傅更主動地送上「愛的抱抱」給林作,仲話:「師傅愛你」笑死一眾網民,仲話林作與七仙羽是天作之合。

圖:ViuTV

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】請您同毛孩免費住酒店!↓

↓立即分享寵物照片 贏走獎品!↓

↓立即分享寵物照片 贏走獎品!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章