【聲夢傳奇】周柏豪重提8年前與張敬軒唱《櫻花樹下》被嘲笑多年終平反:軒仔叫我將難唱嘅畀佢

2021.04.18

TVB歌唱比賽節目《聲夢傳奇》日前播出第二集,參賽者冼靖峰(Archie)選擇張敬軒的《櫻花樹下》應戰,席間星級導師周柏豪就講起當年自己在演唱會同樣被這首歌難倒的舊事,更大方分享當時的感受。

第二集繼續第一輪的淘汰賽,第一位出場的是曾經參加《全民造星II》的冼靖峰(Archie),他演唱的歌曲是張敬軒的高難度代表作《櫻花樹下》,最後在25盞燈會獲得了14盞燈的成績,表現平穩。

身為星級導師之一的周柏豪,給予評語時就話及當年,大方提起自己曾經演唱《櫻花樹下》的經歷,揚言:「呢首歌曾經都考起過我,軒仔叫我將啲難唱嘅位畀晒佢,因為呢首歌係屬於佢,佢嚟(演唱會)係幫我做嘉賓,應該要減輕我壓力,但結果出到嚟(反而)增加左我好多嘅壓力。」連在旁的JW和李克勤都忍俊不禁,笑埋一份。

回顧當年,周柏豪於2012年年尾曾經在個人演唱會《Imperfect Live 2012》上,與張敬軒合唱《櫻花樹下》,柏豪當時演唱的水準似乎未拍得上軒仔,一些高難度的部份都由軒仔演繹,就被網民恥笑多年。如今,周柏豪就終於為自己平反,講出當時歌曲分配的因由。

圖及來源:節目截圖、演唱會截圖

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【U Lifestyle App聖誕周年慶】DayDay送大禮!↓

↓勁送機票/電話/遊戲機等巨獎!↓

↓勁送機票/電話/遊戲機等巨獎!↓

↓【聖誕送禮】送Soul Emotion Pro / Emotion Max耳機!↓

↓立即參加贏走!↓

↓立即參加贏走!↓

評語

相關文章