雪櫃逼爆救星!專家教你揀冰櫃 4款不同容量推介 注意定期溶雪

2022.03.01

疫情期間,大家都盡量留在家中,減少外出用膳。儲糧已成為抗疫日常,但一般家庭雪櫃冰格空間有限,點先放得落大量冷藏食物呢?唔少家庭都考慮買個家用式冰櫃,究竟,買冰櫃時需要注意啲乜?買邊款式好?點樣保養可以耐用啲?不如睇吓電器行職員點講!

最好買有能源標籤、調校溫度功能款式

這段抗疫日子,相信大家都為儲糧而感到煩惱吧!雪櫃空間有限,買一大堆食物回家,即使塞爆個雪櫃都搞唔掂!為解這個空間問題,有不少家庭會選購家用冰櫃。
究竟雪櫃與冰櫃有乜分別呢?在選購上有甚麼要注意?為咗解決大家嘅疑問,今次搵咗電器行職員阿健解答大家問題。

「一般上置式雪櫃嘅冰格,容量都較細兼格層太多,導致難以擺放一些體積較大的食材。而冰櫃空間較大又不會有太多格層,可以更靈活存放食物。」有些冰櫃最低溫度可以去到攝氏 -30度,但阿健話其實一般家庭去到攝氏 -18度已經足夠。

在選購時又需要注意甚麼?「因為要製冷去到咁凍,用電量真係唔少,所以可以揀選一啲有能源效益標籤及溫度調節功能的冰櫃,除咗可以慳電之外,亦不怕因為溫度太低,而凍壞食材。」

現在市面上的家用式冰櫃都有能源效益標籤及調節溫度功能。

 

相比一般家用雪櫃的冰格,冰櫃沒有太多格層,大大增加冷藏空間。

 

定期溶雪 冰櫃更耐用

在選購冰櫃時,除了要留意耗電量及溫度調節功能外,店員阿健指最緊要為冰櫃定期溶雪除霜,「大部分冰櫃都沒有自動溶雪功能,用家要最少兩至三個月為冰櫃除霜。方法好簡單,先取出冰櫃內食物,打開冰櫃門以室溫溶化雪霜,就可以。」

阿健提醒大家,千祈唔好用尖銳硬物強行鏟走雪霜。「仲要記得,唔好將冰櫃放喺陽光可以直接照射得到嘅位置,以免造成機身過熱,增加冰櫃工作量,導致冰櫃更容易損壞。」

 

坊間大部份家用冰櫃的內籠,都是塑膠及鋁金屬製成。塑膠內籠較耐用,而鋁金屬則溫度傳輸會比較好及快。

 

<5款家用冰櫃推介>
Imarflex 伊瑪冰櫃

容量:80 公升
價錢:$4,999

  

這款是暫時全港第一部取得一級能源標籤的冰櫃。相對來說耗電量會比較低,而且機底有一個排水位方便清潔。容量亦非常大,足夠冷藏一家四口、約一星期需要的食物。

 

Turbo Italy 冰櫃
容量:60 公升
價錢:$4,998

  

這款取得二級能源效益標籤,同樣設有排水口方便清潔,更附設膠籃,可以將不同食材分開擺放。

 

Teka 德格 單門冰櫃
容量:94公升
價錢:$6,580

 

2022年最新款式,設計與一般家用式雪櫃的揭門式相同,內籠有三個透明的抽屜,可以將食物分類擺放,避免食材互相細菌感染。

 

Mobicool  壓縮機冰箱
價錢:$2,799

 

除咗可以在屋企使用,還適合放在車上使用。設有專業的防震設計,更有急速製冷功能,30分鐘內可以將食材由攝氏32度降溫至攝氏零度。

 

【info】

BUILT - IN PRO (門市)

地址:北角渣華道 52-60A號地下G-H舖 / 旺角廣東道847-865號4號舖

電話:2812 9633(北角店)及 2330 2022(廣東道店)
營業時間:10am - 7:30pm (星期一至星期日)
網址:https://www.builtinpro.hk/

 

======================================

同場加映: 【蝸居睇樓團】380呎屯門舊樓大改造 水泥X木色X條子營造和風屋+日式浸缸浴室

Text /Theo
Photo/KEN

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章