網民熱議:今時今日租唐七樓 係咪好不智?急屎急尿趕返屋企就麻煩!

2022.06.02

有不少人都有興趣租住唐樓,大部分人都是看中租金平,有的就覺得唐樓間隔四正地方實用,有的人就覺得唐樓區交通方便兼周圍購物飲食配套齊全……但有網民就在連登討論區發帖,問大家「今時今日租唐七樓係咪好不智?」,大家又點睇呢?

打波斷咗十字韌帶,幾個月都返唔到屋企!
網友一聽到樓主想住無電梯到的唐七樓,都首先祝福樓主身體健康:「身體健康咪冇嘢囉,但你諗吓如果你扭親隻腳點返屋企!」、「當你試過隻腳整親,行一步都好撚痛苦你就唔會諗!」、「以前就係有個朋友唔知唐6樓定唐7樓,打波斷咗十字韌帶,幾個月屋企都返唔X到!」、「唐7樓真係淨啱後生囝囡住,老人家同細路就唔好啦!仲要買嘢你預行餐懵,買嘢送貨預加錢,仲有最怕急屎急尿趕返屋企時……不過最辛苦應該係有乜頭暈身㷫,大病小病住咁高又冇就最辛苦最麻煩!」。有網民就話住唐樓,隨時影響到社交生活:「唔使旨意請朋友嚟玩!」、「行X死,上過個fd屋企,行到扯蝦!」。

萬一腳部受傷,住唐七樓真係有家歸不得喎!

有網民表示就算並非生病,只要人有三急,想衝回家解決,望見這條樓梯,都相當絕望!

去轉超市,買多幾罐罐頭都行死你!
但有住唐樓經驗的網民就分享購物的慘痛經驗:「行一次半次就話啫,日日行會想死,去轉超市買嘢多幾罐罐頭都行死你!未計落得多樓梯會傷膝頭……」、「買乜都好煩,傢俬電器點送貨?」,有網民隨即回應:「行1層+$50」,「我唐六叫foodpanda個啲會寫明$10貼士送上門」、「建議係一定要平租先好住,如果係貴租一定有其他更好選擇,同埋會變咗唔想出街,因為每出一次街都好麻煩,多數一次過要買多啲物資返屋企」。

網民表示每次購物後拿着大包細包再上六、七層樓梯,經歷慘痛。

而無論叫外賣,還是買傢俬電器要送貨,唐樓住客基本上都要加錢。

不過亦有住唐樓的網民比較客觀地分析住唐樓的利弊:「住緊唐5,計過要行100級樓梯先返到屋企,一開始係唔習慣,但行行吓好快就習慣咗!如果買好多嘢就比較辛苦,特別老婆淘寶,淘幾袋嘢返嚟……真係想X死佢!但間屋550呎,間隔好實用,仲有個天台,得閒叫啲朋友上嚟燒吓嘢食,有時上去曬吓太陽睇吓書,仲買咗個大水池,可以玩吓水,唔想落街放狗嗰時,又可以放兩隻狗上去跑吓!」、「有樣嘢好重要,天台個防水一定要做得好,租嗰時一定要睇清楚天花有冇水漬同唔正常嘅裂痕!」

有住唐樓的網民提醒,租唐樓時要看清楚天花有冇水漬同唔正常嘅裂痕!

text/Joyce
photo/HKET圖片庫
========
同場加映
【蝸居睇樓團】上門睇風水!龍師傅帶睇九龍城47年舊樓旺氣不再?鏡對睡床影響情緒+屋企太暗多病痛

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章