鄭欣宜演唱會2022|湯令山秋官面前單膝下跪送戒指俾欣宜 馮允謙連環出冧招:我鍾意咗妳好耐!

文: 王庭芝
2022.06.12

歌手鄭欣宜(Joyce)的紅館演唱會《“Between Us” 鄭欣宜演唱會2022》昨晚(11日)來到第二場,這晚特別嘉賓有樂壇新人王湯令山(Gareth)及馮允謙(Jay Fung),兩位男士先後在「秋官」鄭少秋面前向Joyce單膝下跪出冧招,Gareth送上戒指,而Jay Fung就在台上表白:「我鍾意咗妳好耐!」搞到Joyce面都紅晒!

欣宜第二晚個唱首位嘉賓請來為她演唱會主題曲《我地》作曲的湯令山(Gareth),兩人合唱Gareth的歌曲《Boyfriend material》,Joyce直言非常喜歡對方的創作,又話好恨有個好似Gareth一樣的細佬,有才華又「好恰」。

之後Gareth突然單膝下跪送上一枚玩具戒指給Joyce,Joyce就高呼:「你好大膽喎,我老竇(鄭少秋)坐喺呢度,你喺我阿爸面前俾戒指俾我?」大會即時影住秋官對鏡頭揮手,場面相當搞笑,Gareth仲未講完:「Joyce, will you…」Joyce即時後退幾步,Gareth續說:「buy my album when it comes out?(我的專輯面世時買返張?)」原來Gareth只係宣傳新碟,Joyce就說當然會啦!

這晚第二位嘉賓是將於七月舉行個唱的Jay Fung,他和Joyce合唱《思念即地獄》,甫出場便引起全場哄動,期間他不斷對Joyce放電,又輕輕牽著Joyce的手,唱到尾段高潮位,Jay Fung亦向Joyce單膝下跪唱:「It’s killing me without you.」令Joyce又冧又感動,她作狀要錫錫Jay Fung,不過最後都是放開手。

唱完歌,Jay Fung又對Joyce表白:「我想講我鍾意咗妳好耐。I just want to say I think you’re really sexy.(我想說我覺得妳很性感。)Joyce即時面都紅晒,高呼:「Oh my god! Stop!」其後再施另一冧招,送印有二人頭貼頭合照的蜜糖給Joyce,因為Joyce是他的「Honey」,他說:「每次妳飲呢樽蜜糖就會見到我對妳有幾sweet,同埋呢樽蜜糖係Just for Joyce,所以千祈唔好同其他男仔飲呢個,因為淨係送俾妳。」氹得Joyce笑逐顏開。

來源:寰亞娛樂

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓