買樓係人生大事，的確有好多細節位要check清楚，以免中伏！有打算買樓嘅網民就喺連登討論區發帖求救，話發現單位業主原本將兩個單位打通咗，但應該無入則，而家就還原返兩個單位出售，但售價比市價平，問網民究竟會唔會有伏？大家點睇呢？
業主還原返間屋 可能其中一間細咗！
有網民即刻諗到會唔會所謂嘅還原，結果係唔會跟得返原則，搞到一邊大一邊細：「如果果幅唔係主力牆，而佢又還原咗，都有機會佢重新間牆果時，其中一間細咗/大咗」、「最終出嚟都未必一樣，其實幾大風險下」，樓主都回應：「我都有諗哩個問題，間多間小，佢還原返，要搵人度又係煩」。有網民問樓主：「唔會睇樓？睇樓咪知囉」，樓主回應：「睇咗啦，佢仲住緊未還原」，網民就覺得有伏：「俾完訂佢先起返牆？到時你個邊細啲點攪？」。
網民極懷疑業主將打通單位還原變咗兩個單位時，好可能兩間屋會唔同面積。
網民認為如果樓主買咗細咗嘅單位，有啲蝕底，而樓主亦覺得日後要搵人量度單位面積確認，亦好麻煩。
改裝無入則 唔通拆咗嘅係主力牆？！
有網民就直情懷疑係咪真係可以還原到：「點還原？上下層鋼筋都唔連接，定佢上下再駁落石屎？還原都係得個樣，唔入則多數因為主力牆唔可以入，一陣成層冧落來」，樓主就話：「佢應該唔係主力掛……主力應該一早冧咗」，但有網民就反駁：「主力未必即時冧，唔係主力點解唔入則？」、「樓主有冇睇過則先？唔好百分百肯定係非結構」。總結，似乎網民都覺得搏唔過：「講緊幾百萬以上嘅嘢，人生可能只有一次機會，真係小心啲好」、「買樓小心啲好，有問題單位一律唔好買，反正香港大把樓買……」
網民懷疑業主改裝單位無入過則，可能有改動過主力牆。
總結嚟講，網民認為呢個單位並非非買不可，既然可能有伏，建議樓主揀過另一個。
text/Joyce
photo/HKET圖片庫
========
同場加映
【蝸居睇樓團】土瓜灣納米樓變身屋主珍藏展示屋+建閣樓變工作空間
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】請您飲Sundrop桔仔水！↓
↓ 清涼消暑必備！原裝馬來西亞進口 / 富含高維生素C / 健康無添加！↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
