舊樓問題多多?要預一大筆錢裝修? 網民熱討:買樓唔好揀樓齡太舊嘅二手樓?

2022.07.21

樓齡係買樓時其中一個要考慮嘅重要因素,而近日就有網民喺連登討論區上發帖,表示自己朋友買咗樓齡較舊嘅二手樓後發現問題多多,完全住得唔舒服,因而奉籲大家就算買二手樓都唔好揀樓齡過舊嘅,結果引起一眾網民熱烈討論:買樓係咪應該唔好揀樓齡太舊嘅二手樓?

舊樓有事冇得醫?買二手樓要預全爆?
樓主表示自己朋友最近買咗40年樓齡以上嘅舊樓,喺收樓後就陸續發現唔同嘅問題,包括有鋼筋及煤氣喉生鏽等問題,當中煤氣喉嘅問題最為麻煩,就算已經維修過兩次,都未能解決問題,裝修師傅更表示若再次維修,煤氣喉就會有爆炸嘅風險,而大廈嘅建築結構太舊令到全屋改用全電嘅裝修工程會好貴,並可能會容易導致屋企停電,所以樓主就建議一眾網民買樓千祈唔好買樓齡過舊嘅樓。有網民對於樓主嘅睇法就表示認同,認為若要買樓就要買新樓:「(舊樓)剩係漏水都夠精神崩潰」、「基本上10年以上嘅樓齡都一定唔會考慮」、「寧可尺價貴少少,都買半新樓,至少無咁多問題...」、「平價嘅地段一定係有新買新」、「如果唔係租而家買樓一律唔建議買咁舊,有事上黎唔會有得醫」。

有網民就認為買舊樓的話就要預一大筆裝修費:「買舊樓預左舊錢出來全爆換喉換水電就唔會有呢D(啲)煩惱」、「買得二手樓就預咗要全爆啦,買完又要慳裝修錢小修小補就算緊(梗)係多問題」、「舊樓真係要預舊錢大爆大執先好去住、仲要唔好搞得太fancy,預留日後又要執!」,另外有網民則認為寧願租樓都唔會買舊樓:「認真首期就算拎得出都唔代表要將咁大舊錢拎去買磚頭,就算夠錢買舊樓我都寧願租新樓住,多野玩,玩厭左又可以轉」。

有網民認為舊樓有多種如漏水等的問題,而問題更有可能無法解決,所以買樓一定要買新樓。

有網民則認為買舊樓要預一大筆錢去為單位進行大裝修,為單位更換喉管及水電等。

舊樓要買藍籌大屋苑?大型屋苑保養得好好?
有網民就認為樓主朋友所遇到嘅都係小問題,並不難解決:「全部都係小問題wor,有心一兩日搞得掂,鋼筋用沙紙磨走d(啲)銹,再油(髹)鉛水油,跟上網/屋宇署做法補返就得。煤氣喉油(髹)返油咪算x數,唔會漏煤氣,一係成條換,但有幾可會漏煤氣,用電煮食就要睇返件equipment用幾多watt電,唔過2000w其實都唔洗點理。」,亦有網民表示住緊50多年舊樓但都冇樓主朋友所遇嘅問題:「我屋企單幢50幾年樓,都無你講嗰啲問題,成條街已經收購咗過半,啲舖執得就執,我而家都等緊」

亦有網民認為其實買舊樓並無太大問題,要看情況而定:「買單棟50年樓一係貪平,一係onX ,買舊樓唔係問題,前提係買返藍籌大屋苑,有咩事要放租/走貨都易D(啲),買單棟舊樓真係預攬住一世走唔甩,一係低市價一大截蝕住走」、「大型屋宛有管理公司果D還好,單幢洋樓或者唐樓就唔好啦」、「老牌大型屋苑/九龍港島大把舊洋樓都保養得好好,啲窮x公屋出身無住過中產屋苑,幾十年樓齡都比佢地講到就冧咁」、「其實太古城嗰啲咪一樣40幾年樓齡咪一樣有人買」、「舊樓要買啲有規模既大屋苑,同埋要預筆錢去全爆」

有網民表示自己現居於50多年樓齡的大廈都無太大問題,並正在等待屋企單位被收購重建。

亦有網民認為若買舊樓就應要選擇如太古城等保養得較好的老牌大型屋苑。

text/Jonathan
photo/HKET圖片庫

============
同場加映:
【蝸居睇樓團】
日本認證收納師教你!山泥傾瀉衣櫃整理大法 常着衣物放腰位、揀啱膠櫃桶+懶人最好掛衫

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章