記者實測夏日去汗漬大作戰 梳打粉、白醋、牙膏 邊個最見效?

2022.08.25

夏天容易出汗,特別淺色衫嘅衣領、腋下位好易留有汗漬。汗漬形成係因為汗液中含蛋白質及油脂,蛋白質氧化後會變黃,一洗唔乾淨就好易留有黃漬。
坊間有傳梳打粉、白醋、牙膏、檸檬等都係去黃、去漬嘅好物,但究竟邊個方法最見效?今次就實測下5大方法去汗漬嘅功效,睇下因應唔同汗漬要用邊種方法去漬先最有效。

方法1:牙膏

利用牙刷沾上適量牙膏,然後在黃漬處均勻塗抹開,來回刷洗直至黃漬消失。
但切忌太大力刷洗,免至衣物起毛粒。
牙膏去漬力不強,難以去除深層嘅汗漬,反而只適用於一啲剛形成或淺層嘅汗漬。


方法2:檸檬
檸檬酸可以中和、溶解鹼性污垢。第一個步驟先將檸檬切片。


將檸檬片加入經煮滾嘅熱水,再放入衣物浸泡2小時。
浸完洗乾淨就完成去漬嘅程序。如果想加強去漬效果,可以先用1:1檸檬混合清水先擦拭再浸,效果會更佳。


方法3:白醋+鹽
呢個組合可以同時達至去污、除臭及防止細菌繁衍等效果。


先將白醋倒入噴樽於發黃位置上噴灑。
再加上粗鹽刷拭均勻,便可放入洗衣機進行正常嘅清潔程序。

方法4:梳打粉
使用梳打粉嘅原理係因梳打粉有弱鹼性質,特別適合去油污。


首先將梳打粉用熱水開成糊狀,熱水及梳打粉嘅比例為1:2。
將呈糊狀嘅梳打粉塗上發黃位置,再待梳打粉乾透就可以拎去洗乾淨。
實測後發現呢個方法係5個方法中最強嘅去污方法,大家都可以返屋企試下!


方法5:白醋浸衫
呢個方法可以同時去汗味汗漬。

衣物放入洗衣機前,先浸醋20分鐘。小量衣物加1/3杯白醋、大量或有嚴重汗味則加1/2杯醋。
需注意白醋唔可以混合洗衣清潔劑,而未清走汗味之前都唔好用柔順劑,因會令汗味更難去除。


【實測結果】
實測結果發現牙膏表現未如理想,而梳打粉效果最好。以上嘅材料都好易準備,普通嘅超級市場都會搵到。大家都不妨試下呢啲簡單嘅去汗漬方法。

text/serena
photo/jay

============
同場加映:
【蝸居睇樓團】元朗520呎市中心樓!
變私人打卡cafe 展示旅遊手信+清新木系庭園風

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章