【旺角美食】旺中掃街5大美食推介!爆餡章魚小丸子/麻辣鴨血/堅果奶蓋茶/黃金炸饅頭

2021.07.25

去旺角點少得去旺中掃街,今次就等我挑戰用$200可以食到啲咩啦!除了一些港式街頭小食之外,今次推介5間人氣小食店,當中有章魚小丸子、麻辣鴨血、堅果奶蓋茶等等。下次約埋朋友到旺角掃街啦!

第 1 站 真章魚無雙

這間是旺中掃街人龍店之一,所出品的爆餡章魚小丸子十分受歡迎。有多種口味選擇,例如蟹籽章魚燒$33、黑松露章魚燒、激蔥章魚燒、明太子章魚燒等等,全部即叫即製,所以需要等候一段時間。小丸子粉漿不會過厚,中間有一大粒章魚肉,口感爽口豐富,充滿海鮮味。

真‧章魚無雙

地址: 旺角彌敦道688號旺角中心1期2樓SB02號舖

營業時間:星期一至日12:00 - 22:00

第 2 站 川婆婆

川婆婆主打四川風味小食及麵食,例如有麻辣鴨血($28)、麻辣魚蛋、麻辣皮蛋等等,花椒味香濃,款款都好惹味,辣得過癮,推介喜歡食辣得朋友!

川婆婆

地址:旺角彌敦道688號旺角中心1期2樓SB04號舖

營業時間:星期一至日12:00 - 22:00

第 3 站 魚蛋佬

這間小食店主打港式街頭小食,例如燒賣、魚蛋、撈麵、腸粉等等。其中有黃金炸饅頭($15),新鮮即叫即炸,熱辣辣出爐!饅頭口感外皮香脆咬落濕潤,配上煉奶一流!

魚蛋佬

地址:旺角彌敦道688號旺角中心一期2樓SB05舖

營業時間:星期一至日12:30 - 23:00

第 4 站 杯中物

掃街又點少得食炸物呢?這間小食店主打不同炸物小食,價錢相宜抵食,有炸魷魚、炸雞塊等等,還有期間限定的$10優惠,當中選擇了香芋地瓜丸$10,一共有6粒,外皮炸得香脆,內餡有香滑的香芋及地瓜,香甜可口。

杯中物

地址:旺角彌敦道688號旺角中心一期1樓F87B號舖

營業時間:星期一至日12:00 - 23:00

第 5 站 NUTTEA

台灣人氣全素茶飲店NUTTEA堅果奶茶,主打堅果奶飲品及堅果奶蓋,純素素食者都飲得!招牌奶蓋用上堅果製造,奶蓋厚而充滿堅果香。粉紅莓好堅果奶蓋茶$45,奶蓋偏厚實,貼心附上小鏟子讓大家可以用來食奶蓋。士多啤梨果茶不會過甜,富果香,不會掩蓋過茶味。茉莉綠鑽堅果奶蓋茶$35,就算熱飲配上奶蓋味道都好夾,更添加一份香滑感。

NUTTEA

地址:旺角彌敦道688號旺角中心1樓F52號舖

營業時間:星期一至五12:30 - 21:30;星期六至日13:00 - 22:00

活動資訊

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語